IIV Surxondaryo akademik litseyida “Islohotlarga daxldorman!” shiori ostida uchrashuv tashkil etildi.
O‘zbekiston
Respublikasi IIV Ma’naviy-ma’rifiy ishlar va kadrlar bilan ta’minlash departamentining
2024 yil 23 yanvar kunidagi tegishli ko‘rsatmasi ijrosini ta’minlash maqsadida,
joriy yil 17 aprel kuni IIV Surxondaryo akademik litseyida Surxondaryo viloyat adliya
boshqarmasi Jarqo‘rg‘on tuman Adliya bo‘limi bosh yuriskonsulti M.Mamayusupov, Toshkent
Davlat yuridik universiteti o‘qituvchi va talabalari ishtirokida “Islohotlarga daxldorman”
shiori ostida o‘zaro muloqot shaklida davra suhbati tashkil etildi.
Suhbat davomida mamlakatimizda
amalga oshirilayotgan islohotlar haqida so‘z yuritilib, yoshlarga berilayotgan imkoniyatlar,
imtiyozlar, ularni bandligini ta’minlash, oliy ta’limga jalb qilish hamda tadbirkorlikni
yo‘lga qo‘yish borasida huquqiy bilimlarini oshirishga alohida e’tibor qaratilib,
yoshlarga sud-huquq tizimidagi yangiliklar haqida qo‘shimcha ma’lumotlar berib o‘tildi.
Tadbir yakunida tashkil etilgan viktorina savollariga to‘g‘ri javoblar bergan o‘quvchi
va talabalar esdalik sovg‘alari bilan taqdirlanishdi.