IIV Surxondaryo akademik litseyida “Buyuklar yashaydi qalblarda mangu!” shiori ostida ma’naviy-ma’rifiy tadbir tashkil etildi.
Kuni kecha O‘zbekiston Respublikasi IIV Surxondaryo
akademik litseyida Buyuk shoh va shoir Zahiriddin Muhammad Bobur tavalludining
541 yilligi munosabati bilan “Buyuklar yashaydi qalblarda mangu!” shiori ostida
tadbir tashkil etildi.
Jarqo‘rg‘on tuman hokimi o‘rinbosari A.O‘.Radjapov,
M.M.Mustanovalar ishtirok etgan mazkur tadbirda o‘quvchilarning musiqiy chiqishlari,
teatrlashtirilgan sahna ko‘rinishlari yig‘ilganlarga namoyish etildi. Tadbir doirasida
Zahiriddin Muhammad Bobur hayoti va ijodiga bag‘ishlangan kitoblar ko‘rgazmasi ham
tashkil etildi. Tadbir g‘azalxonlik mushoiralari hamda shoir g‘azallariga bastalangan
kuy-qo‘shiqlar bilan yig‘ilganlarni yanada ruhlantirdi. Ko‘tarinki kayfiyatda o‘tgan
tadbir ishtirokchilarda katta taassurot qoldirib, Bobur ijodi bilan yana bir bor
yaqindan tanishishlari uchun xizmat qildi.
Tadbir yakunida faol ishtirok
etgan 1-bosqich 4/23-guruh o‘quvchilariga litsey rahbariyati tomonidan taqdirlandilar.
