"Farzandlari bilimli, iste’dodli, o‘zining kuchi va salohiyatiga ishonib, oldinga intilib yashaydigan xalq va davlatning istiqboli, albatta, yorug‘ bo‘ladi".

     Sh.M.Mirziyoev

Davra suhbatida Prezidentimizning 2025-yil 14-fevral kunidagi yoshlar bilan uchrashuvi, yoshlarga yaratilayotgan sharoitlar va yoshlarga berilayotgan keng imkoniyatlar, Prezidentimizning yoshlar bilan uchrashuvining mazmun- mohiyati o‘quvchilarga yetkazildi.

Darhaqiqat, mamlakatimizda yoshlarga berilayotgan imkoniyatlar natijasida o‘zbek yoshlari har sohada cho‘qqilarni zabt etishmoqda. Yoshlar uchun yaratilayotgan imkoniyatlar samarasi natijasini "Kitobxonlik" tanlovlarining rivojlanganligi, "Chet tillarini o‘rganish"ga qiziqish tobora ortib borayotgani, yoshlarning Xalqaro miqyosidagi "top" universitetlarda grand sohibiga aylanishayotganidan ko‘rishimiz ham mumkin.

Davra suhbati jarayonida Ichki ishlar vazirligining 2025-yil 25-yanvar kunidagi "O‘zbekiston Respublikasi Ichki ishlar vazirligi Akademiyasi, Jamoat xavfsizligi universiteti, Huquqni muhofaza qilish akademiyasi hamda xorijiy davlatlar oliy ta’lim tashkilotlariga o‘qishga qabul qilish nomzodlar tanlovini tashkil etish to‘g‘risida"gi tegishli buyrug‘i bilan ilovada belgilangan kvotalar soni bitiruvchi kurs o‘quvchilari tanishtirib o‘tildi.

Shuningdek, o‘quvchilarga tibbiy ko‘rikdan o‘tish jarayonlari bo‘yicha tegishli tavsiyalar berildi. Tadbir so‘nggida o‘quvchilar tomonidan berilgan savollarga asoslantirilgan javoblar berildi.