IIV Surxondaryo akademik litseyida o‘quvchilar o‘rtasida asgressiv holatlarni oldini olish maqsadida "O‘smirlarda agressiv xulq-atvorning namoyon bo‘lish sabablari" mavzusida psixologik trening mashg‘uloti o‘tkazildi.

Trening davomida o‘smirlarda agressiv xulq-atvor shakllanishiga sabab bo‘luvchi quyidagi omillar ko‘rib chiqildi:

- oilaviy-muhit, jismoniy bosim, o‘zini ifoda etish ehtiyoji;

- salbiy emotsiyalarni boshqarish usullari;

- ijobiy muloqot, empatiya va o‘zaro hurmat tamoyillari;

- jamoada sog‘lom psixologik muhitni saqlash yo‘llari.

Mashg‘ulot interaktiv usullarda olib borildi. O‘quvchilar bilan "G‘azabni boshqarish", "Men va his-tuyg‘ularim", "Ijobiy fikr" kabi psixologik mashqlar, rolli o‘yinlar va suhbatlar tashkil etildi.

Mashg‘ulot davomida o‘quvchilar o‘z shaxsiy irodaviy fazilatlarini tahlil qildilar, jamoaviy muhokamalar va psixologik mashqlar orqali kasbiy faoliyatda zarur bo‘ladigan irodaviy ko‘nikmalarni mustahkamlash bo‘yicha amaliy bilim va ko‘nikmalarga ega bo‘ldilar.

Shuningdek, litsey psixologi Halima Bekmurodova  tomonidan ularga insonning ijobiy holati onggi va ruhiga, bu esa uning bilim olishiga ham ta’sir ko‘rsatishi haqida o‘quvchilarga nazariy hamda amaliy jihatdan tushunchalar berildi.