Joriy yilning 13 yanvar kuni IIV Surxondaryo akademik litseyida IIV Akademiyasi kadrlar bo‘limi boshlig‘i podpolkovnik Faxriddin Andamurotov, Akademiya kadrlar bo‘limi muhim topshiriqlar bo‘yicha inspektori kapitan Abror Xo‘jamurotov, IIV Shaxsiy xavfsizlik bosh boshqarmasi Surxondaryo viloyat boshqarmasi ma’sul xodimi N.Norqobilov, viloyat IIB ma’naviy-ma’rifiy ishlar va kadrlar bilan ta’minlash xizmati muhim topshiriqlar bo‘yicha inspektori katta leytenant B.Qaynarov, IIV Surxondaryo akademik litseyi direktori podpolkovnik B.Bo‘rievlar ishtirokida akademik litseyni tamomlayotgan 156 nafar o‘quvchilar bilan davra suhbati tashkil etildi.

So‘zga chiqqan IIV Akademiyasi kadrlar bo‘limi boshlig‘i podpolkovnik K.Andamurotov o‘quvchilarning IIV Akademiyasiga hujjatlarini rasmiylashtirish jarayonlari, tibbiy ko‘rikdan o‘tish tartibi, ajratilgan qabul kvotalari, IIV akademiyasiga qabul qilish yo‘nalishlari, sinov-imtixon jarayonlari, Akademiyada o‘quvchilar uchun yaratilgan shart-sharoitlar bilan yaqindan tanishtirib o‘tdi.

Litsey o‘quvchilari IIV Akademiyasiga kirishda o‘zlarini qiziqtirgan savollarga ma’sul xodimlar tomonidan javoblar olishdi.

Tadbir yakunida o‘quvchilarga IIV Akademiyasi tomonidan tayyorlangan IIV akademiyasiga nomzodlarni qabul qilish shartlari, akademiyada o‘qitish jarayonlari o‘quvchilarga yaratilgan sharoitlar aks etgan video rolik namoish etildi.