IIV Surxondaryo akademik litseyida “Ayollari ezozlangan yurt” shiori ostida tadbir o‘tkazildi.
Ayol borki, olam munavvar, ayol borki, hayot go‘zal
va maftunkor. Aslida oilani ham, jamiyatni ham birlashtirib, unga fayzu barakat
kiritadigan, xonadonlarimizni mehr-muhabbat, nafosat, ezgulik nuri bilan
munavvar qiladigan zotlar, munis onalarimiz, opa-singillarimizdir.
Ma’lumki, har yili bahorning ilk haftasida
mamlakatimizning barcha joylarida 8 mart - Xalqaro xotin-qizlar kuni munosabati
bilan bayram tantanalari o‘tkaziladi. Joriy yilning 7-mart kuni IIV Surxondaryo
akademik litseyida ham “Ayollari ezozlangan yurt” shiori ostida tadbir hamda
qizlar o’rtasida 5 ta shartdan iborat bo’lgan “Iste’dodli malikalar” ko’rik
tanlovi o‘tkazildi. Bayramona tadbir akademik litsey o‘quvchilari tomonidan
tayyorlangan ajoyib sahna ko‘rinishlari, musiqali chiqishlar va go’zal
kuy-qo‘shiqlarga boy bo’ldi.
