IIV Surxondaryo akademik litseyida ochiq eshiklar kuni tashkil etildi.
Joriy yilning 02-noyabr kuni O‘zbekiston Respublikasi "Ichki ishlar vazirligining tarkibiy tuzilmalari va hududiy bo‘linmalariga umumiy o‘rta ta’lim maktablarini biriktirish to‘g‘risida" 2024-yil 25-iyundagi 345-son buyrug‘i ijrosi yuzasidan IIV Surxondaryo akademik litseyida ochiq eshiklar kuni tashkil etildi va shu munosabat bilan Jarqo‘rg‘on tumanining 36-sonli maktabi o‘quvchilari tashrif buyurishdi. Tashrif chog‘ida maktab o‘quvchilariga IIV akademik litseylarining tashkil etilishining huquqiy asosi, akademik litseyga o‘quvchilarni qabul qilish tartibi, akademik litseydagi mavjud Vatanparvarlik burchagi, shaxmat burchagi, o‘quv xonalari, kutubxona hamda o‘quvchilarga yaratilgan sharoitlar bilan yaqindan tanishtirildi.Uchrashuv davomida IIV Akademiyasi Kriminologiya kafedrasi o‘qituvchisi kapitan Sh.R.Rashidov ham o‘quvchilarga IIV akademik litseyi hamda IIV Akademiyasi haqida fikr-mulohazalarini o‘quvchilar bilan o‘rtoqlashdi.
