IIV Surxondaryo akademik litseyi o‘quvchilari bilan psixologik trening mashg‘ulotlari o‘tkazildi.
IIV Surxondaryo akademik litseyi o‘quvchilarining yanada chuqur bilim olishiga,
Vatanga sadoqat bilan xizmat qilishi, emotsional intellektini rivojlantirishida,
shuningdek, tanlagan kasbida keng salohiyatga ega bo‘lishida psixologik yordam beruvchi seminar-trening mashg‘uloti
tashkil qilindi.
Trening mashg‘uloti davomida o‘quvchilar bilan inson ongiga ijobiy ta’sir
ko‘rsatuvchi psixologik metodikalardan foydalanildi.
Ushbu treningdan o‘tkazishdan ko‘zlangan asosiy maqsadlardan yana biri o‘quvchilarning
ruhiy zo‘riqishlarini oldini olish hamda ularni tushkin psixologik kayfiyatdan olib
chiqish.
Bunday treninglarni o‘tkazish o‘quvchilarning diqqatlarini jamlashga hamda
yuqori kayfiyatda bo‘lishlariga yordam beradi.
Zero, har bir
xodim va bo‘lajak xodimlar psixologik tomondan ham o‘z ustida doimiy ishlashi va
yangi bilimlarni o‘zlashtirib borishi lozim.
