IIV Surxondaryo akademik litseyida Milliy gvardiya xodimlari tomonidan ko‘rgazmali chiqishlar tashkil etildi
O‘zbekiston Respublikasi Ichki
ishlar organlari tashkil etilganligining 32 yilligi hamda 25-oktabr "Ichki
ishlar organlari xodimlari kuni" munosabati bilan Milliy gvardiya Surxondaryo
viloyati bo‘yicha boshqarma xodimlari IIV Surxondaryo akademik litseyiga tashrif
buyurishdi.
Tashrif jarayonida Milliy gvardiya
Surxondaryo viloyati bo‘yicha boshqarmasi batalon komandirining o‘rinbosari mayor
V.M.Qo‘ng‘irov so‘zga chiqib, barcha Ichki ishlar organlari xodimlari va litsey
o‘quvchilarini bayram bilan qutladi.
Ushbu tadbir davomida, IIV Akademik
litsey o‘quvchilarida kasbga bo‘lgan qiziqishlarini yanada oshirish maqsadida, Milliy
gvardiya xodimlarining ko‘rgazmali jismoniy va jangovar mashg‘ulotlari bilan ko‘rgazmali
chiqishlari namoyish etildi.
Tadbir so‘ngida litseyda faoliyat olib borayotgan bir
qator pedagog xodimlarga bayram sovg‘alari ulashildi. Shuningdek, o‘quvchilar o‘zlarining
qiziqtirgan savollariga mataxassislar tomonidan javoblar olishdi.
