IIV Surxondaryo akademik litseyida o‘quv yili yakuni sarhisob qilindi.
Joriy yilning 28 iyun kuni O‘zbekiston
Respublikasi Ichki ishlar vazirligi Surxondaryo akademik litseyida 2023/2024-o‘quv
yili yakuni bo‘yicha shaxsiy tarkib bilan yig‘ilish o‘tkazildi.
Yig‘ilishda 2023/2024-o‘quv yilida
ta’lim-tarbiya sohasida amalga oshirilgan ishlar hamda yo‘l qo‘yilgan kamchiliklar
tanqidiy ruhda ko‘rib chiqilib, o‘quv yil davomida amalga oshirilgan ishlar tahlil
qilindi va mas’ullar hisobotlari tinglanib kelgusida amalga oshirilishi lozim bo‘lgan
vazifalar belgilab olindi.
Shuningdek, o‘quv yili davomida ijobiy natijalarga erishgan
faol o‘qituvchilar, eng yaxshi guruh rahbarlari, jamoat ishlarida faolligi bilan
hamkasblariga alohida o‘rnak ko‘rsatib kelayotganlar hamda akademik litseyning o‘quv-tayyorlov
markaziga o‘quvchilarni jalb qilishda, sifatli ta’lim berishda jonbozlik ko‘rsatib
kelayotgan o‘qituvchilarga akademik litsey ma’muriyati tomonidan tashakkurnoma va
qimmatbaho esdalik sovg‘alar topshirildi.
