IIV Probatsiya boshqarmasi boshlig‘i boshchiligidagi ishchi guruh “BIO TEXNO EKO” MChJ faoliyati bilan yaqindan tanishdi.
O‘zbekiston Respublikasi
IIV Jamoat xavfsizligi departamenti boshlig‘i o‘rinbosari, Probatsiya boshqarmasi
boshlig‘i polkovnik Sh.Uralovning o‘rganishlari davomida Termiz shahridagi “BIO
TEXNO EKO” MChJga tashrif buyurib, mazkur Mas’uliyati cheklangan jamiyatida Termiz
shahar IIB Jamoat xavfsizligi xizmati Probatsiya guruhi hisobida axloq tuzatish
ishlari jazosini o‘tayotgan o‘ttiz uch nafar nazorat ostidagi shaxslarga yaratilgan
shart-sharoitlari, oylik maoshlari yuzasidan tashkilot “BIO TEXNO EKO” MChJda mehnat
faoliyatini olib borayotgan 33 nafar probatsiya nazorati ostidagilar bilan suhbat
jarayonida Probatsiya to‘g‘risidagi qonun mazmun-mohiyati tushuntirilib, 3-nafar
shaxslarning murojaatlari bo‘yicha aniqlangan muammosi ijobiy hal qilindi.
Ular bilan suhbat
chog‘ida, ularga berilgan imkoniyatlardan to‘g‘ri va oqilona foydalanish, ozodlikni
qadriga yetish kerakligi ta’kidlandi. Uchrashuv
so‘ngida nazorat ostidagi shaxslarga esdalik sovg‘alari ulashildi.
IIV Probatsiya
boshqarmasi boshlig‘i boshchiligidagi ishchi guruhning viloyatdagi o‘rganishlari
davom etmoqda.
