Avval xabar berganimizdek, O‘zbekiston Respublikasi IIVning 2024 yil 20 fevral kunidagi tegishli farmoyishi talablari ijrosini ta’minlash maqsadida, Ichki ishlar vazirligi Madaniyat saroyi qo‘shiq va raqs ansamblining xushovoz xonandalari va so‘z ustalari ishtirokida konsert dasturi o‘tkazilishi rejalashtirilgan bo‘lib, Ichki ishlar organlarida xizmat qilayotgan san’atkorlar, xonanda va sozandalar hamda badiiy so‘z ustalari ichki ishlar organlari xodimlari tomonidan xizmatni o‘tash vaqtida vafot etgan xodimlarning oila a’zolari, nogiron bo‘lib qolgan xodimlar hamda faxriylarni moddiy va ma’naviy qo‘llab-quvvatlash maqsadida, konsert dasturlari o‘tkazilib kelinmoqda.

Har yilgi an’ananga muvofiq konsert dasturlari Surxondaryo viloyatidan boshlandi. Ma’lumot uchun konsert dasturlari joriy yilning 3-aprel kuni Surxondaryo viloyatining Qiziriq hamda Muzrabot tumanlari markaziy o‘yingohlarida, 4-aprel kuni esa Sariosiyo tumani markaziy o‘yingohida hamda Termiz shahrida joylashgan San’at saroyi yozgi anfiteatrida tashkil etildi.

Termiz shahrida tashkil etilgan konsert dasturi davomida viloyat Ichki ishlar boshqarmasi tarkibiga kiruvchi sohaviy xizmatlarning maxsus texnikalari, qurol aslahalari hamda Tezkor vazifalarni bajaruvchi safarbar otryadining jangovar chiqishlari konsert dasturiga tashrif buyuruvchi mehmonlar uchun namoyish etildi. Ushbu tashkil etilgan tadbirlar asnosida fuqarolar maxsus texnikalardan foydalanish jarayonlari haqida o‘zlari qiziqqan savollarga javob olishdi.

Shundan so‘ng, Termiz shahar kambag‘allikni qisqartirish va bandlik bo‘limi bilan hamkorlikda Ichki ishlar organlariga biriktirilgan viloyat 3- sektor hududida istiqomad qiluvchi uyushmagan yoshlar uchun mehnat yarmarkasi ham tashkil etilib, yoshlarni ish bilan ta’minlash shu bilan birga ularni qiynab kelayotgan muammolarini ijobiy hal etishga qaratilgan ezgu ishlar davomiyligi ta’minlanmoqda.    

O‘tkazilgan konsert dasturida O‘zbekistonda xizmat ko‘rsatgan elimizning hushovoz san’atkorlari hamda so‘z ustalari tomonidan ijro etilgan kuy qo‘shiqlari, dil tortar navolari-yu, hangomalari konsert dasturiga tashrif buyurgan tomoshabinlarning olqishiga sazovor bo‘ldi.

Shuningdek, Ichki ishlar vazirining 2024 yil 9 martdagi tegishli farmoyishi asosida yoshlarni madaniyat, san’at va boshqa ijodiy sohalardagi iqtidorlarni namoyon etishlari uchun munosib sharoitlar yaratish, yosh avlod qalbida vatanga muxabbat va sadoqat tuyg‘ularini kamol toptirishga qaratilgan “Dillarda vatan madhi” shiori ostida o‘tkazilgan qo‘shiq va she’riyat tanlovining viloyat bosqichida faxrli o‘rinlarni egallagan yoshlar O‘zbekiston Respublikasi IIV Madaniyat saroyi boshlig‘i podpolkovnik U.Tillaev hamda viloyat IIB rahbariyati tomonidan diplom va pul mukofotlari tantanali ravishda topshirildi.

Konsert dasturi davomida "Omadli ishtirokchi" o‘yini ham tashkil etilib, o‘yinda g‘olib bo‘lgan yetti nafar ishtirokchilarga qimmatbaho esdalik sovg‘alar ham topshirildi.

Konsert dasturi yakunida, O‘zbekiston Respublikasi IIV Madaniyat saroyi boshlig‘i podpolkovnik U.Tillaev boshchiligidagi san’atkorlar hamda Surxondaryo viloyati ichki ishlar boshqarmasi rahbariyati, xizmat vaqtida halok bo‘lgan xodimlarning oila a’zolari va farzandlari bilan dildan suhbat qurishib, ularga esdalik sovg‘a salomlar elimiz suygan san’atkorlar tomonidan ulashishdi.

Xalqimizning madaniy va ma’naviy hordiq chiqarishlari uchun o‘tkazilayotgan konsert dasturi respublikamizning barcha viloyatlarida davom etadi.