O‘zbekiston Respublikasi Ichki ishlar vaziri huzurida Surxondaryo viloyatida olib borilgan kompleks inspektorlik tekshiruvi yakuniga bag‘ishlab o‘tkazilgan tahliliy yig‘ilishda berilgan topshiriqlar ijrosini ta’minlash maqsadida, Termiz shahar ichki ishlar boshqarmasi  shaxsiy tarkibi o‘rtasida O‘zbekiston Respublikasi Prezidentining 2025 yil 14 fevral kunidagi “O‘zbekiston Respublikasi Qurolli Kuchlarining harbiy nizomlarini tasdiqlash to‘g‘risida”gi PF-23-son farmoni hamda Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya va Davlat xavfsizlik xizmati va boshqa manfaatdor vazirlik xamda idoralar o‘rtasida 2025 yil 20 may kunidagi tegishli qo‘shma qarori bilan tasdiqlangan O‘zbekiston Respublikasi Qurolli Kuchlarining Saf nizomi mazmun mohiyati va unda keltirilgan vazifalar tushuntirib o‘tildi.

Shuningdek, shaxsiy tarkibning jangovar va saf tayyorgarligi, o‘qotar qurollardan, maxsus vositalardan foydalanish ko‘nikmalarini hamda jangovar tayyorgarligini yanada oshirish, maxsus vositalarni mohirona qo‘llash ko‘nikmalarini yanada mustahkamlash maqsadida maxsus-taktik o‘quv mashg‘ulotlari ham o‘tkazilmoqda.

O‘quv yig‘inida ishtirok etgan boshqarma boshlig‘i o‘rinbosari, podpolkovnik Sherzod Shadiev tomonidan xodimlarga qonunchilik va xizmat intizomiga rioya etish, korrupsion jinoyatlarga keskin murosasiz kurash olib borish, ta’magirlikka yo‘l qo‘ymaslik borasida tegishli yo‘riqnoma ham o‘tkazildi.

Bu boradagi targ‘ibot va o‘quv yig‘inlari viloyatning barcha tuman-shahar IIBlarida davom ettirilmoqda.