O‘zbekiston Respublikasi Ichki ishlar vazirligi Manaviy -marifiy ishlar va kadrlar bilan taminlash departamenti ishchi guruhi mas’ul xodimlari tomonidan Surxondaryo viloyatida o‘rganishlar olib borildi.

Bunda, ishchi guruh tomonidan hududiy ichki ishlar organlarida ma’naviy-ma’rifiy ishlar va kadrlar bilan ta’minlash, ta’lim jarayonini tashkil etish, xodimlarni jismoniy va jangovar tayyorgarligini oshirish, soha xodimlariga xizmat samaradorligini oshirish yuzasidan amaliy va uslubiy yordam hamda jamoalardagi mahnaviy-ruhiy muhit barqarorligini ta’minlashga qaratilgan ishlar yaqindan o‘rganildi

O‘rganish ishlari davomida, O‘zbekiston Respublikasi IIVning 2024 yil 10 may kunidagi hamda Surxondaryo viloyati IIB boshlig‘ining 2024 yil 25 may kunidagi ichki ishlar organlarida joriy yilning 1 iyun kunidan 30 iyun kuniga qadar “Qonuniylikni ta’minlash va temir intizom oyligi”ni o‘tkazish to‘g‘risidagi farmoyishlari mazmun mohiyati yuzasidan Surxondaryo viloyati IIB shaxsiy tarkibi bilan yig‘ilish bo‘lib o‘tdi.

O‘tkazilgan mazkur yig‘ilishda, Surxondaryo viloyat IIB xodimlari o‘rtasida xizmat intizomi, qonunchilikka rioya etish, korrupsiya va tamagirlikning har qanday ko‘rinishiga chek qo‘yish kerakligi, mamlakatimizda korrupsiyaning oldini olish va unga qarshi murosasiz kurashishning ilg‘or xalqaro standartlarga asoslangan tizimini joriy etish bo‘yicha izchil choralar ko‘rilayotganligi, ichki ishlar organi xodimlarida korrupsiyaga nisbatan murosasizlik kayfiyatini shakllantirish, fuqarolar bilan muloqot jarayonida kasbiy muomala madaniyatiga rioya qilgan holda har qanday vaziyatda o‘zini “ichki ishlar organlari xodimi”- degan yuksak nomga munosib ravishda namoyon etish, mansab vakolati doirasidan chetga chiqmaslik, salbiy holatlar sodir etmaslik, shu bilan birga xodimlarga korrupsion turdagi jinoyatlarga undash yoki taklif bo‘lganda me’yoriy buyruq talablariga muvofiq darhol mas’ul rahbarlarga bildirgi bilan murojaat qilishlari lozimligi yana bir bor eslatilib, xizmat vazifalarini vijdonan va halol bajarib, korrupsion takliflarni rad etgan xodimlarni rag‘batlantirish masalallari bayon etildi.

Shuningdek IIV ishchi guruhi rahbari tomonidan sohaviy xizmatlarda xodimlar faoliyat olib borishlari uchun yaratilgan shart-sharoitlar bilan ham tanishildi.