2024 yilning 26-27 fevral  kunlari Termiz shahridagi 26 maktab sport zalida  O‘zbekiston Respublikasi IIV “Dinamo” Jismoniy tarbiya va sport jamiyati tomonidan  sportning “stol tenis” turi bo‘yicha Surxondaryo viloyati xuquqni muhofaza qiluvchi organ xodimlari o‘rtasida viloyat   birinchiligi  musobaqasi o‘tkazildi.

Sport musobaqasi murosasiz baxslarga boy bo‘lib, Surxondaryo viloyatida  xizmat o‘tayotgan Ichki ishlar boshqarmasi, Milliy gvardiya, Davlat xavfsizligi xizmati, Bojxona boshqarmasi, Termiz xalqaro aeroportida xavfsizlikni ta’minlash alohida bataloni, Chegara qo‘shinlari harbiy xizmatchilari, Transportda jamoat xavfsizligini ta’minlash boshqarmasi xodimlaridan iborat 7 ta terma jamoadan 4 nafardan  jami  28 nafar sportchilar ishtirok etishdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga ko‘ra 1 o‘rinni viloyat DXX ChQ sportchisi, 2 o‘rinni DXX ChQ sportchisi, 3 o‘rinni DXX boshqarmasi sportchisi va 3 o‘rinni DXX ChQ sportchilari qo‘lga kiritishdi.

G‘oliblar O‘zbekiston Respublikasi IIV “Dinamo” Jismoniy-tarbiya va sport jamiyati Surxondaryo viloyati Kengashi tomonidan diplom, medal va qimmatbaxo esdalik sovg‘alari bilan taqdirlandilar

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jangi”, “Triatlon”, “Futbol”, “Yunon-Rum kurashi”, “Kombat aykido” to‘garaklarida hozirgi kunda jami 515 nafar o‘smirlar  muntazam shug‘ullanishib respublika va xalqaro musobaqalarda munosib o‘rinlarni egallab kelmoqda.