So‘nggi yillarda ichki ishlar organlarini chinakam xalqchil tuzilmaga aylantirish, aholi uchun barcha shahar va qishloqlarda xavfsiz yashash va mehnat sharoitini yaratish maqsadida keng ko‘lamli islohotlar amalga oshirilmoqda. Eng quyi bo‘g‘indagi vaziyat va muammolarni chuqur o‘rganish asosida har bir mahallani jinoyatdan xoli hududga aylantirishga alohida e’tibor qaratilmoqda.

Mazkur vazifalar ijrosi yuzasidan joriy yilning 13-noyabr kuni O‘zbekiston Respublikasi IIV Akademiyasining tajribali professor - o‘qituvchilaridan iborat ishchi guruh a’zolari va Surxondaryo viloyati IIB Termiz shahar IIB mas’ullari bilan birgalikda shaharning “Saxovat” mahalla fuqarolar yig‘inida bo‘lishdi.

Avvalo, mahalla fuqarolar yig‘inining ma’muriy binosida, “Saxovat” mahallasi ijtimoiy profilaktika sub’eklari bilan uchrashib, ularning ish faoliyati bilan yaqindan tanishilib, hududda aholini qiynab kelayotgan muammolarning hal etilish ahvoli o‘rganildi va bu borada tegishli amaliy tavsiyalar berildi.

Ushbu mahalla Afg‘oniston Islom Respublikasi bilan chegaradosh bo‘lganligi, chegara hududning masofalari hamda chegara oldi hududda istiqomat qiluvchi fuqarolarning turmush tarzi bilan yaqindan tanishdi.

Shundan so‘ng mahalla raisi va mahalla faollariga aholini tomorqalardan unumli va samarali foydalanishi, tomorqa xo‘jaliklarida issiqxonalarni ko‘paytirish, chorvachilik va tadbirkorlikni rivojlantirish choralarini ko‘rish taklif va tavsiyalari bildirildi.

Ichki ishlar vazirligi Akademiyasining tajribali professor - o‘qituvchilaridan iborat ishchi guruhning Surxondaryodagi o‘rganish ishlari davom etmoqda.