Yurtimizda yoshlarning kelajak taqdiriga befarq bo‘lmagan holda voyaga yetmagan yoshlar o‘rtasida huquqbuzarlik va jinoyatchilikning oldini olishda muhim islohotlar amalga oshirilmoqda. Buning birgina misoli sifatida O‘zbekiston Respublikasi Prezidentining “Ichki ishlar organlarining voyaga yetmaganlar o‘rtasida huquqbuzarliklar profilaktikasiga oid faoliyatini takomillashtirish bo‘yicha qo‘shimcha chora-tadbirlar to‘g‘risida”gi qarori qabul qilinganligini ko‘rishimiz mumkin.

Mazkur qaror ijrosi doirasida Respublika umumiy o‘rta talim muassasalarida o‘quvchilar bilan ishlash bo‘yicha yagona uzviy xamkorlik tizimi asosida manzilli tasirchan mexanizm  yo‘lga qo‘yildi. Qarorga asosan O‘zbekiston Respublikasi IIV o‘rinbosarining joriy yil 31 mart kunidagi farmoyishi bilan maktablarga tashkiliy va tarbiya-metodik jihatdan manzilli ko‘maklashish ko‘zda tutilgan.

Shu maqsadda, O‘zbekiston Respublikasi Ichki ishlar vazirligi mas’ullari, vazirlik Akademik litseyi jamoasi hamda o‘quvchilari Ichki ishlar vazirligiga biriktirilgan Termiz shahridagi  7- sonli  umumta’lim maktabida targ‘ibot tadbirlarini olib borishib, o‘quvchi yoshlarga vatanparvarlik hissi bilan yashashga undovchi motivatsiyalar berildi.

Ushbu tashkil etilgan targ‘ibot tadbirida, maktabning 9 sinf o‘quvchilari orasida Oliy ta’lim muassasalarida o‘qish istagini yanada oshirish hamda IIV Surxondaryo akademik litseyida o‘quvchilar ta’lim olishlari uchun yaratilgan shart-sharoitlar, ta’lim va sport sohalarida erishilgan yutuqlari va boshqa bir qator imkoniyatlar haqida so‘z yuritildi.