Ichki ishlar vaziri o‘rinbosari, general-mayor B.Mirzaraximov Surxondaryo viloyatidagi o‘rganishlarini davom ettirib, Angor tumani hududidagi mahallalarda bo‘ldi. Hududdagi jinoyatchilikni oldini olish ishlari ko‘zdan kechirildi.

Angor tumanidagi “Yangi turmush” mahallasi o‘rganildi.  Tashrif davomida mahalla hududida jinoyat va xuquqbuzarliklarni barvaqt oldini olish borasida amalga oshirilayotgan ishlar bilan tanishib, tumanning to‘rtta sektor rahbarlari va mahalla fuqarolari yig‘ini beshliklari bilan suhbat olib bordi.

Shuningdek, “Yangi turmush” mahallasi va uning hududida joylashgan “Baraka” savdo majmuasiga xizmat ko‘rsatuvchi 3-sonli “Huquq-tartibot maskani”ning faoliyati, profilaktika inspektorining xizmat xonalarini va xodimlarga yaratilgan sharoitlar bilan tanishish davomida tozalik va obodonlashtirish ishlarini ham ko‘zdan kechirdi.  

Bundan tashqari, mahalla hududida joylashgan “Baraka” savdo majmuasining faoliyati, tadbirkorlarga yaratilgan shart-sharoit va imkoniyatlar bilan tanishib, ular bilan suhbat olib borildi.

Keyingi manzil, Sherobod tumani bo‘ldi. Dastlab, tumanning “Cho‘michli” mahallasida joylashgan “Imom at-Termiziy” majmuasiga tashrif buyurib, u yerda turistlar va ziyoratga kelayotgan aholi uchun yaratilgan sharoitlarni o‘rgandi va majmua mehmonlariga xizmat ko‘rsatayotgan viloyat Ichki ishlar boshqarmasi Xavfsiz turizmni ta’minlash boshqarmasi xodimlarining xizmat faoliyati bilan tanishdi.

Bundan tashqari, tumandagi “qizil” toifadagi “Majnuntol” mahalla fuqarolar yig‘inida xizmat olib borayotgan profilaktika inspektorining jinoyat va huquqbuzarliklarga qarshi kurash borasidagi faoliyatini o‘rgandi.

Shuningdek, ushbu mahalla faollari, oqsoqol nuroniylar va jamoatchilik vakillari bilan bo‘lgan uchrashuvda hududdagi mavjud muammolar va ularni bartaraf etish, oila-turmush doirasida jinoyatlarning oldini olish hamda alohida toifadagi shaxslar bilan olib borilayotgan profilaktik ishlar yuzasidan davra suhbati o‘tkazildi.

Ichki ishlar vaziri o‘rinbosari boshchiligidagi ishchi guruh tomonidan Surxondaryo viloyatidagi o‘rganish ishlari davom etmoqda.

Surxondaryo viloyati IIB Axborot xizmati