Ichki ishlar vaziri o‘rinbosari, general-mayor Bekmurod Abdullaev Surxondaryo viloyatidagi o‘rganish ishlari davomida viloyat JXX YHXB TRIB va Maxsus ekspluatatsiya montaj bo‘limi binosida bo‘lib, qurilish ishlari davom etayotgan yangi bino va inshootlardagi jarayonlar bilan yaqindan tanishdi. 

Shundan so‘ng, Vazir o‘rinbosari Surxondaryo viloyati IIB JTSB Patrul-post batalonida bo‘lib, ma’muriy binoni ta’mirlash ishlari bilan tanishdi va mas’ullarga bir qator topshiriqlar berildi.

Shu kunning o‘zida general-mayor Bekmurod Abdullaev voyaga yetmaganlarga ijtimoiy-huquqiy yordam ko‘rsatish markazi faoliyatini o‘rgandi. Mazkur joyda saqlanayotgan bolalar bilan, shart-sharoitlar, kundalik mashg‘ulotlar haqida suhbatlashildi.

Bundan tashqari, markaz psixologi tominidan tayyorlangan 8 oylik hisobot namoyishi bo‘lib o‘tdi. Shu kunga qadar oilasiga qaytarilgan bolalar, ixtisoslashtirilgan muassasalarga joylashtirilganlari haqida ma’lumotlar berildi. 

Vazir o‘rinbosari tomonidan markaz xodimlariga “Bolalarni kundalik mashg‘ulotlari, tarbiyaviy jarayonlarida ota-onalarini jalb qilish, namunali, ijobiy natijalarga erishgan oila vakillarini ham taklif qilish orqali bu ota-onalarga o‘zlarining tajribasidan kelib chiqib maslahatlar berishni yo‘lga qo‘yish taklif qilindi. Bu esa Surxondaryo tajribasi sifatida tadbiq etilishi takidlandi.

Tadbir davomida, Markazda tarbiyalanayotgan bolalardan tashkil topgan “Kelajak sari” loyihasi uchun tayyorlanayotgan jamoaning ko‘rgazmali sahna ko‘rinishlari namoyish etildi.

Viloyatda o‘rganish ishlari davom etmoqda.