Ichki ishlar vazirining 2025 yil 28 iyul kunidagi 282-son hamda Surxondaryo viloyati Ichki ishlar boshqarmasi boshlig‘ining

2025 yil 01 avgust kunidagi farmoyishlari ijrosi yuzasidan “Inson qadri uchun” shiori ostida o‘tkazilayotgan “Ijtimoiy himoya oyligi” doirasida kuni kecha Qumqo‘rg‘on tumani Ichki ishlar bo‘limida ichki ishlar organlari tizimida uzoq yillar xizmat qilgan bir guruh nuroniy va faxriy ichki ishlar xodimlari ishtirokida “Uch avlod uchrashuvi” bo‘lib o‘tdi.

Samimiy o‘tkazilgan uchrashuv davomida tizimdagi faoliyat yo‘nalishlari, yosh xodimlarning bugungi kunda olib borayotgan izchil ishlari muhokama qilinib, avlodlar o‘rtasida tajribalar almashilib, yoshlarni ma’naviy-axloqiy jihatdan tarbiyalash va ularni Vatanga sadoqat ruhida kamol toptirish muhimligi ta’kidlandi.

Suhbatlar, bir piyola choy ustida yozilgan dasturxon atrofida davom ettirildi. O‘tkazilgan iliq uchrashuv davomida tizimdagi faoliyat yo‘nalishlari, yosh xodimlarning bugungi kunda olib borayotgan ishlari muhokama qilinishi bilan birga ularning bugungi kunda xalq xizmatchisi ekanligi e’tirof etildi.

Avlodlar o‘rtasidagi bunday muloqotlar tajriba almashish, yoshlarni ma’naviy-axloqiy jihatdan tarbiyalash va ularni Vatanga sadoqat ruhida kamol toptirishda muhim ahamiyat kasb etadi.

Uchrashuv so‘ngida faxriy ustozlarga boshqarma boshlig‘i o‘rinbosari podpolkovnik Sherzod Shadiyev tomonidan esdalik sovg‘alari ulashildi.