Bugungi kunda Muxtaram Prezidentimiz tashabbuslari bilan mamlaktimizda ichki ishlari organlari tizimini tubdan takomillashtirish borasida bir qancha ijobiy ishlar amalga oshirilib kelinmoqda shu bilan bir qatorda xodimlarni ijtimoiy himoya qilish, ularni moddiy va ma’naviy qo‘llab-quvvatlash maqsadida, O‘zbekiston Respublikasi Prezidentining 2019 yil 26 fevral kunidagi “Ichki ishlar organlari xodimlari va ularning oila a’zolarini ijtimoyi himoya qilishni yanada kuchaytirish chora-tadbirlari to‘g‘risida”gi PQ-4212-sonli Qarori qabul qilindi.

Mazkur Qaror talablari ijrosini ta’minlash maqsadida viloyat IIB binosida tadbir tashkil etilib, unda viloyat IIB boshlig‘ining birinchi o‘rinbosari B.Inoqov, boshqarma boshlig‘ining o‘rinbosari Sh.Shadiev hamda Tavsiyanomaga loyiq deb topilgan ichki ishlar organlari xodimlari, oila a’zolari va farzandlari ishtirok etishdi.

Tadbir  davomida,  qarorga asosan joriy yilda Surxondaryo viloyati ichki ishlar organlarida huquqbuzarliklar profilaktikasi va jinoyatchilikka qarshi kurashda munosib hissa qo‘shgan 77 nafar xodimlarning 78 nafar farzandlariga hamda terrorizm, jinoyatchilikka qarshi kurashish va jamoat xavfsizligini ta’minlash chog‘ida halok bo‘lgan marxum xodimning 1 nafar farzandiga viloyat IIB  rahbariyati tomonidan tavsiyanomalar tantanali ravishda topshirildi.