“Xavfsiz hudud-dolzarb 50 kunlik” profilaktik tadbiri doirasida Termiz shahar va tumanlardagi qizil toifaga kiruvchi mahallarda qator profilaktik tadbirlar amalga oshirilmoqda.
Bugun erta tongdan Surxondaryo viloyati prokurori adliya katta maslahatchisi B.B.Babadjanov hamda viloyat IIB boshlig‘i T.K.Ismailovlar rahbarligida viloyat prokuraturasi va IIB sohaviy xizmati xodimlari, viloyat Milliy gvardiya harbiy xizmatchilari ishtirokida Termiz shahar “Bog‘ishamol” mahallasida yo‘riqnoma yig‘ilishi bo‘lib o‘tdi.
Bu jarayonda mahalla hududida huquq
tartibot organlari hodimlari tomonidan spirtli ichimlikka ruju qo‘ygan, ruhiy xasta
hamda muqaddam sudlanganlar bilan profilaktik suhbatlar o‘tkazilishi belgilandi.
Shuningdek qarovsiz qoldirilgan transport vositalarining egalarini aniqlash
va ularni hushyorlikka chorlash, bundan tashqari psixotrop va narkotik moddalarni
aniqlash va turli ko‘ngilsiz hodisalarning oldini olish bo‘yicha zaruriy ko‘rsatmalar
berildi.
Profilaktik tadbir doirasida ijarada
turuvchi fuqarolar hamda nizoli oilalar bilan
suhbat olib borish, hududda istiqomat qiluvchi
ishsiz fuqarolarning bandligini ta’minlashda amaliy yordam ko‘rsatish vazifalari belgilab berildi.
Ayni damda berilgan topshiriqlar bo‘yicha xodimlar tomonidan xizmat jarayonlari qizg‘in olib borilmoqda. Mahalla hududida tozalash-obodonlashtirish ishlarida aholi faol ishtirok etyapti.
