Surxondaryo viloyati IIB Migratsiya va Fuqarolikni rasmiylashtirish boshqarmasining joriy yil II-yarim yilligiga mo‘ljallangan rejasiga asosan, viloyati IIB Migratsiya va fuqarolikni rasmiylashtirish boshqarmasi boshlig‘i mayor X.Xalliev hamda boshqarmaning mas’ul xodimlari ishtirokida, aholining muammolarini aniqlash va hal etish maqsadida, Uzun tumanining tog‘li hududi bo‘lgan Bobotog‘da joylashgan “Bobotog‘”, “Oqmachit”, “Toltug‘ay” va “Yangiobod” mahallalarida sayyor qabul o‘tkazildi.

O‘tkazilgan sayyor qabul davomida 78 nafar fuqarolar o‘z murojaatlari bilan ishtirok etishdi.

Shulardan, 26 nafar tuman hududida doimiy yashovchi fuqaroligi bo‘lmagan shaxslar tomonidan O‘zbekiston Respublikasi fuqaroligini olish masalasida murojaatlari qabul qilinib, ularga O‘zbekiston Respublikasining 2020 yil 13 martdagi “O‘zbekiston Respublikasining fuqaroligi to‘g‘risida”gi Qonunining 6-19-moddalari talablari asosida O‘zbekiston Respublikasi fuqaroligi tan olish va umumiy tartibda qabul qilish bo‘yicha hujjatlar topshirish tartiblari yuzasidan huquqiy maslahatlar berildi.

Shuningdek, 44 nafar tuman markaziga borish imkoniyati bo‘lmagan keksa yoshdagi hamda nogironligi bo‘lgan fuqarolarga O‘zbekiston Respublikasi Prezidentining 2020 yil 22 sentabrdagi “O‘zbekiston Respublikasi fuqarosining identifikatsiya ID-kartasi to‘g‘risida”gi PF-6065-son farmoni talablari asosida belgilangan tartibda identifikatsiya ID-kartalar bilan rasmiylashtirib berilgan bo‘lsa, yana 8 nafar tuman xududida vaqtinchalik ro‘yxatdan o‘tib yashab kelayotgan Tojikiston Respublikasi fuqarolariga O‘zbekiston Respublikasida doimiy yashash uchun qolishga O‘zbekiston Respublikasi Vazirlar Mahkamasining 2020-yil 28-sentabr kunidagi “O‘zbekiston Respublikasi hududida chet el fuqarolari va fuqaroligi bo‘lmagan shaxslarni vaqtincha turgan joyi bo‘yicha ro‘yxatga olish tartibi to‘g‘risida”gi 593-son qaroriga asosan respublikada vaqtincha va doimiy yashash tartiblari bo‘yicha huquqiy tushuntirish ishlari ham olib borildi.

Surxondaryo viloyati IIB Axborot xizmati