20 Oktyabr 2021 yil
479
Firibgar o'n tonnadan ziyod sarimsoq piyozni o'zlashtirib ketdi
Jarqo'rg'on tumanida 2021 yil 8 sentabr kuni, Toshkent shahrida yashovchi, Z.Zokir tuman IIBga ariza bilan murojaat qilib, unda 28 iyul kuni tumanning "Qoraburo" mahallasida yashovchi opasi, Z.Zaynabning uyida saqlab qo'ygan 10 tonna 477 kg sarimsoq piyoz (chesnok) mahsulotlarini Andijon viloyatida yashovchi, K.Karim, jami 183.347.500 (bir yuz sakson uch million uch yuz qirq yetti ming besh yuz) so'mga savdolashib olib, pullarni mahsulotni sotganidan keyin berishini aytib, hozirgi kunga qadar pullarini bermasdan o'zlashtirib ketganligini ma'lum qilgan. 7 oktabr kuni K.Karimga nisbatan O'zbekiston Respublikasi Jinoyat kodeksining 168-moddasi 4-qismi "a" bandi bilan jinoyat ishi qo'zg'atilgan.
Surxondaryo viloyati IIB axborot xizmati
