9 Fevral 2024 yil 308

Sherobod tumanida jinoyatchilik va huquqbuzarliklarning oldini olishga qaratilgan yig‘ilish bo‘lib o‘tdi

O‘zbekiston Respublikasi Prezidenti Qaroriga muvofiq haftaning har payshanba kuni "Profilaktika kuni" deb belgilanganligi munosabati bilan Sherobod tumani Madaniyat uyida Surxondaryo viloyati Ichki ishlar boshqarmasi boshlig‘i, polkovnik Ismailov Timur Kamalatdinovich, viloyat Maktabgacha va maktab ta’limi boshqarmasi boshlig‘i Mamadiev Husniddin Norboevich, tuman hokimi Alimov Usmon Ibrohimovich, sektor rahbarlari, Sherobod tuman IIB Jamoat xavfsizligi xodimlari, ta’lim muassasa rahbarlari, idora va tashkilotlar, Yoshlar ittifoqi, tuman Imom xatibi, mahalla yettiligi, tuman IIB Probatsiya nazorati ostida turgan shaxslar ishtirokida mahallalarda sodir etilayotgan jinoyatlarni oldini olish, sodir etilgan jinoyatlar muhokamasi, "Obod va xavfsiz mahalla" tamoyili asosida Respublika mahallalarida xavfsiz muhitni yaratish mexanizmlarini belgilash yuzasidan yig‘ilish bo‘lib o‘tdi.

         Yig‘ilishda viloyat IIB boshlig‘i mamlakatimizda barcha sohalar singari, ichki ishlar organlari tizimida ham keng islohotlar amalga oshirilganligi, xodimlar quyi bo‘g‘in, mahalla va ko‘chalarda xizmat olib borib, aholiga yanada yaqinlashgan holda “Obod va xavfsiz mahalla” tamoyili asosida “Mening mahallamda jinoyat sodir bo‘lmasligi kerak!” degan tushunchaning mazmun-mohiyatini aholiga keng targ‘ib etish, oilalar va mahallalardagi ijtimoiy-ma’naviy muhitga salbiy ta’sir ko‘rsatuvchi omillarning sabab va shart-sharoitlarini aniqlash hamda bartaraf etishga qaratilgan chora-tadbirlarni kuchaytirish, jinoyat va huquqbuzarliklarni oldini olish borasidagi mavjud kamchiliklarni bartaraf etish, yosh avlodga vatanparvarlik, mehnatsevarlik, bir birlarini hurmat qilish tuyg‘ularini kuchaytirish yuzasidan tavsiyalar berildi.

12 oy yakuni bilan tumandagi 48 ta mahallaning 16 tasi qizil toifada qolganligi,  bundan tashqari, tumanda 5 ta Taroqli, Oltinvoha, Buyuk ipak yo‘li, Katta-hayot, Do‘stlik mahallalari 3 yildan buyon “qizil” toifada saqlanib qolayotganligi tanqid ostiga olinib, huquqni muhofaza qiluvchi organlarning kelgusida kriminogen vaziyatni barqarorlashtirish, jinoyat va huquqbuzarliklarni barvaqt oldini olish borasida kelgusida amalga oshirilishi lozim bo‘lgan chora-tadbirlar taqdimoti bilan tanishildi.

         Taqdimotda tuman Milliy gvardiya Qo‘riqlash bo‘limi tomonidan hududlarni kameralashtirish va qo‘riqlovga olish jarayonlari, tuman ichki ishlar bo‘limi tomonidan jinoyatchilikni “mahallabay” jilovlashning yangi tizimi o‘rganildi.

Shuningdek, tumanda voyaga yetmagan va yoshlar o‘rtasida, oila-turmush munosabatlari doirasida sodir etilayotgan huquqbuzarliklarni barvaqt oldini olishda olib borilayotgan profilaktika ishlar tanqidiy tahlil qilinib, bu boradagi ishlarni yanada kuchaytirgan holda tizimli ishlarni amalga oshirish yuzasidan bir qator taklif va tavsiyalar tinglandi hamda tegishli ko‘rsatma va topshiriqlar berildi.

 Yig‘ilishda so‘z olganlar bugungi kunda yoshlarni ma’naviy dunyoqarashini mustahkamlash, ularni bo‘sh vaqtlarini mazmunli tashkil etish, jinoyat va huquqbuzarlikka qarshi kurashishda immunitetni shakllantirishda, barcha birdek jonbozlik ko‘rsatib vatanparvarlik ruhida tarbiyalash, yurtga muhabbat hissini oshirishda keksa yoshdagi faxriylar ham mas’ul ekanliklarini bildirishdi.

Text to speech