O‘zbekiston Respublikasining 2024 yil 7 avgust kunidagi 938-sonli "Probatsiya to‘g‘risida”gi qonuni targ‘ibotiga bag‘ishlangan uchrashuv bo‘lib o‘tdi.

O‘tkazilgan uchrashuvda ushbu qonunning mazmun mohiyatini Probatsiya nazorati ostidagi shaxslarga yetkazish orqali ularning huquqiy ongini yuksaltirish va jamiyatda o‘z o‘rinlarini topishga ko‘maklashuviga qaratildi.

Uchrashuvda hamkor tashkilotlar va ularga belgilangan vazifalar doirasida Sherobod tumani IIB rahbariyati tomonidan probatsiya nazorati ostidagi 18 yoshdan 30 yoshgacha bo‘lgan probatsiya nazorati ostidagi shaxslarga qonunda belgilangan huquq va majburiyatlari shuningdek jazo o‘tash tartibidagi o‘zgarishlar tushuntirib o‘tildi. Bundan tashqari qonunda belgilangan tartibda hamkor tashkilotlarning probatsiya nazorati ostidagi shaxslar bilan olib borilishi lozim bo‘lgan vazifalari qonunda aniq belgilab berilganligi, ularning ijtimoiy moslashish doirasida berilgan savollariga soha vakillari tomonidan kerakli tushunchalar berib o‘tildi.

Shu o‘rinda Sherobod tumani ichki ishlar bo‘limi jamoat xavfsizligi xizmati probatsiya guruhida joriy yilning 9 oyi yakuni bilan jami 352 nafar nazorat ostidagi shaxslar hisobda turgan bo‘lib, ularning 52 nafari 18 yoshdan 30 yoshgacha bo‘lgan nazoratdagi shaxslarni tashkil etadi.

Shu kunga qadar Sherobod tumani Ichki ishlar bo‘limi probatsiya guruhi tomonidan jami 99 nafar nafar nazoratdagi shaxslar hisobdan chiqarilgan bo‘lib, ularning aksariyati yoshlarni tashkil etadi. O‘tkazilgan tadbirda Sherobod tumani kambag‘allikni qisqartirish va bandlikka ko‘maklashish bo‘limi ham ishtirok etib, ular tomonidan ishsiz bo‘lgan nazorat ostidagi yoshlarni qayta kasbga tayorlash bo‘yicha, bepul o‘quv kurslariga tahsil olish istagi borlarga yo‘llanmalar berildi.

Shundan so‘ng Probatsiya nazoratidagi yoshlar bilan tumandagi axborot kutubxona markaziga tashrif buyurilib, o‘zlari yoqtirgan kitoblarini olib o‘qishlari hamda kutubxonaga a’zo bo‘lish imkoniyatiga ega bo‘ldilar. Probatsiya to‘g‘risidagi qonun bo‘yicha barcha targ‘ibot tadbirlarining hamkor tashkilotlar va probatsiya nazorati ostidagi shaxslar o‘rtasida doimiy ravishda o‘tkazilishi nazoratdagi shaxslarning kelgusida jamiyatda o‘z o‘rinlarini topishda ushbu qonun  asosiy ustun bo‘lishiga imkoniyatlar eshigini ochishga xizmat qiladi.