2025 yilning 22 yanvar kuni Sherobod tumani IIB boshlig‘i podpolkovnik N.Narzullaev tomonidan joriy yilning 3 yanvar kunidagi O‘zbekiston Respublikasi Prezidentining "Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi  PQ 1-sonli qarorining mazmun-mohiyati hamda qarorda belgilab berilgan vazifalar ijrosini ta’minlash maqsadiga qaratilgan o‘quv-seminar tashkil etildi.

Tashkil etilgan o‘quv-seminarda mahalla raislari, xotin-qizlar faollari, yoshlar yetakchilari, soliq inpektorlari, ijtimoiy xodimlar, ichki ishlar va milliy gvardiya  xodimlari ishtirok etishdi.

2025 yilning 1-choragi uchun har bir mahalla kesimida yo‘l xaritalar ishlab chiqish, shuningdek, har oy yakunida kriminogen vaziyati og‘ir va jinoyat sodir etilgan mahallalarda amalga oshirilgan ishlar natijalari yuzasidan tanqidiy muxokamalar o‘tkazilib, ushbu qarorning ijrosiga mas’uliyatsizlik bilan yondoshgan rahbar va xodimlarga nisbatan lavozimidan ozod etishgacha bo‘lgan ta’sir choralari ko‘rib borilishi to‘g‘risida ogohlantirildi.