Sherobod tumanida ham profilaktik tadbirlar o‘tkazilmoqda
Sherobod tumanidagi 27-umumta’lim maktabida o‘quvchilar va ularning ota-onalari ishtirokida maxsus profilaktik tadbir o‘tkazildi. Tadbir “Davomat” hamda “Tig‘” loyihalari doirasida tashkil etilib, uning asosiy maqsadi jinoyatchilik va huquqbuzarliklarning barvaqt oldini olish, yoshlar ongida huquqiy madaniyatni mustahkamlash hamda ularni to‘g‘ri yo‘lga yo‘naltirishdan iboratdir.
Tadbir davomida o‘quvchilarga qonunlarga
hurmat, intizom, axloq-odob qoidalariga rioya qilish, internet tarmoqlaridan to‘g‘ri
foydalanish, shuningdek, ta’lim jarayonidagi davomati va faolligini oshirish bo‘yicha
tushuntirish ishlari olib borildi.
Ota-onalarga esa farzandlar tarbiyasida
oilaviy muhitning ahamiyati, bolalar bilan muntazam muloqotda bo‘lish, ularning
bo‘sh vaqtini mazmunli tashkil etish zarurligi haqida tavsiyalar berildi.
Bunday tadbirlar yoshlar orasida huquqbuzarliklarni kamaytirish, ularning sog‘lom dunyoqarashini shakllantirish hamda mas’uliyat hissini oshirishga xizmat qiladi.
