Joriy yilning 30 may kuni O‘zbekiston Respublikasi Ichki ishlar vazirligining tegishli farmoyishiga asosan, joylarda ichki ishlar organlari tomonidan otaliqqa olingan yoshlar o‘rtasida “Xavfsiz hayot uchun birlashaylik” shiori ostida ma’naviy-ma’rifiy, vatanparvarlik va sport tadbirlari o‘tkazilib kelinayotganligi munosabati bilan Sherobod tumani "Cho‘yinchi" mahallasida joylashgan yangi sport majmuasida tuman Ichki ishlar bo‘limi va Bolalar va o‘smirlar sport maktabi bilan hamkorlikda Probatsiya bo‘limi nazorati ostida turgan yoshlar ishtirokida sportning “Mini futbol” turi bo‘yicha musobaqa o‘tkazildi.

Ushbu musobaqada 45 nafardan ortiq nazorat ostidagi yoshlar ishtirok etdi. Musobaqa ko‘tarinki ruxda o‘tib, jamoalar o‘rtasida birinchi, ikkinchi va uchinchi o‘rinlar uchun qizg‘in kurashlar olib borishdi. Musobaqa yakunida  mas’ul  rahbarlar tomonidan g‘olib bo‘lgan jamoalarga tuman Ichki ishlar bo‘limi boshlig‘ining kubogi bilan taqdirladi.

Shuningdek, nazoratdagi yoshlar tumandagi axborot kutubxona markazida bo‘lishib, u yerda kutubxona faoliyati bilan yaqindan tanishdi. Kutubxona faoliyati bilan tanishish asnosida o‘zlarining sevimli kitoblarini o‘qishga muyassar bo‘lishdi.

Shu bilan bir qatorda nazoratdagi yoshlarning bandligini ta’minlash, ularni qayta kasbga yo‘naltirish ishlari doirasida probatsiya guruhidagi 18 yoshdan 30 yoshgacha bo‘lgan nazoratdagi yoshlar tumandagi aholi bandligiga ko‘maklashish markaziga olib borilib, ularning bandligini ta’minlash va qayta kasbga yo‘naltirish choralari ko‘rildi.

Ushbu o‘tkazilgan tadbirdan ko‘zlangan asosiy maqsad jinoyat sodir etib jazo mudlatlarini o‘tayotgan yoshlarni xayotga qiziqishlarini uyg‘otish orqali ularni kelgusida qayta jinoyat sodir etmasliklari va xayotda o‘z o‘rinlarini topishga ko‘maklashishdan iborat.