Yoshlarning ma’naviy va tarixiy bilimlari oshirilmoqda.
O‘zbekiston Respublikasi Prezidentining 2023 yil 20 yanvar kunidagi PQ-10-sonli
Qarori ijrosini ta’minlash hamda o‘sib kelayotgan o‘quvchi yoshlarni vatanparvarlik
va xalqparvarlik ruhida tarbiyalash, ma’naviy va tarixiy bilimlarini oshirish maqsadida,
viloyat ichki ishlar boshqarmasi Xavfsiz turizmni ta’minlash boshqarmasi tashabbusi
bilan Termiz shahridagi 12-sonli umumta’lim maktabining bir guruh o‘quvchilari sayohatga
olib borildi.
O‘quvchilar dastlab Termiz tumani hududida joylashgan “Al-Hakim at-Termiziy”
majmuasiga olib borilib, ushbu yerda mangu qo‘nim topgan avliyolarning Islom dini va dunyoviy ilmlarga qo‘shgan
hissalari haqida ma’lumotlar berilib, avliyolar haqqiga qur’on tilovat qilindi.
Shundan so‘ng, Termiz
shahrida bunyod etilgan “Vatanparvarlik bog‘i”ga sayohat uyushtirilib, Vatan uchun
jon fido qilgan qaxramonlar va jang vaqtida foydalanilgan harbiy texnikalarning
salohiyati haqida yoshlar uchun qiziqarli bo‘lgan ma’lumotlar berildi.
