O‘zbekiston Respublikasi Prezidenti  Yoshlar bilan ochiq muloqot tarzida o‘tkazilgan videoselektor yig‘ilishida berilgan topshiriqlar ijrosini ta’minlash, shuningdek Ichki Ishlar organlarida Yoshlar bilan ishlash tizimini yangi darajaga olib chiqish, ularni ijtimoiy qo‘llab-quvvatlash, bandligini ta’minlash maqsadida, Ichki ishlar organlari rahbarlariga  yoshlar biriktirilgan.

Surxondaryo viloyatining barcha shahar-tuman IIBlari mas’ullariga hududlarda og‘ir toifa ro‘yxatida turuvchi yoshlar biriktirilgan bo‘lib, ular bilan profilaktik suhbatlar o‘tkazish davomida, ularning muammolari ham o‘rganilmoqda.

Aniqlanayotgan muammolarning aksariyatida yoshlarni hunarga o‘rgatish, ularning bandliklarini ta’minlash zarurligi ma’lum bo‘lmoqda. Shu maqsadda,  shahar-tuman hududlaridagi bandlik bo‘limlari mas’ullariga bo‘sh ish o‘rinlari yarmarkalari tashkil etish va yoshlar qiziqish bildirgan ishga joylashtirish yuzasidan kelishuvlar amalga oshirildi.

Kelgusida ushbu toifadagi yoshlar o‘rtasida huquqbuzarlik va jinoyat sodir etilishining oldini olish maqsadida, tizimli ravishda profilaktik ishlar olib borilishi yo‘lga qo‘yilgan.