Surxondaryo viloyati  Ichki ishlar boshqarmasi Jamoat xavfsizligi xizmati Voyaga yetmaganlarga ijtimoiy-huquqiy yordam ko‘rsatish markazida saqlanayotgan  voyaga yetmaganlarni “Vatanparvarlik” ruhida tarbiyalash, sportga bo‘lgan qiziqishlarini yanada oshirish  hamda respublikamizda o‘tkazilayotgan “Dolzarb-90 kun” tadbiri ijrosini ta’minlash maqsadida, markaz rahbari S.Ochilova va xodimlari Sh.Xolliev, Sh.Qosimovlar tomonidan, ichki ishlar tizimidagi  Alohida vazifalarni bajaruvchi  safarbarlik otryadiga tashrif uyushtirildi.

Tadbir davomida otryadda xodimlar faoliyat olib borishlari uchun tashkil etilgan shart-sharoitlar, sport bilan shug‘ullanish uchun yaratilgan imkoniyatlar sport zal, stadion, taktik tayyorgarlik maydonlari, texnikalar, o‘q otar qurollar bilan yaqindan tanishish va ma’lumot olish imkoniyati yaratildi.

Ushbu o‘tkazilgan “Vatanparvalik” tadbiri davomida ichki ishlar xodimlarining xizmatda operativ tadbirlar vaqtida ishlatiladigan maxsus qurollar bilan  mashqlar bajarish yuzasidan “master klass” tashkillashtirdi.  Tadbir so‘ngida voyaga yetmaganlar tomonidan ham ushbu mashqlarni mustaqil bajarib ko‘rish imkoniyati berildi.

Bu kabi tadbirlarni muntazam o‘tkazilib borilishi voyaga yetmaganlar tomonidan huqubuzarlikva jinoyat sodir etilishini oldini olish va kelgusida voyaga yetmaganlarni ichki ishlar kasbiga bo‘lgan ishtiyoqini oshirish, vatanparvarlik ruhida tarbiyalash, yurtimizda harbiy va ichki ishlar sohalarida yaratilayotgan imkoniyatlar bilan tanishtirishdan iboratdir.