Mazkur tadbir doirasida Surxondaryo viloyatida huquqbuzarlik va jinoyatchilikni barvaqt oldini olish, kriminogen vaziyatni yaxshilash maqsadida viloyat Ichki ishlar boshqarmasi boshlig‘i polkovnik A.Ismoilov tomonidan barcha sohaviy xizmatlar vakillarini safarbar etgan holda hududlarda ko‘plab amaliy ishlarga qo‘l urildi.

Xususan, barcha hududdagi mahallalarda jinoyat va huquqbuzarliklarga qarshi kurashish va yoshlarni diniy ekstremizm oqimlaridan asrash bo‘yicha huquqiy targ‘ibot ishlari amalga oshirildi. Sodir etilishi mumkin bo‘lgan jinoyatlarni barvaqt oldini olish maqsadida “Qizil” va “sariq” hududlarda “jinoyat o‘choq”larini aniqlash va bartaraf etish uchun “Yo‘l xaritalar” ishlab chiqilib ijroga qaratildi. Ushbu mahallalarga biriktirilgan 196 nafar huquq-tartibot idoralari rahbarlari va ularning o‘rinbosarlari biriktirilgan mahallalarga borib, hududni jinoyatdan holi hududga aylantirish borasida “mahalla yettiligi” bilan kun davomida hamkorlikda profilaktik ogohlantiruv ishlari amalga oshirildi. 2 nafar qidiruvdagi shaxslar qo‘lga olindi.

Hududiy ichki ishlar organlari boshliqlari mahalla fuqarolar yig‘inlari faollari bilan uchrashib, hududda jinoyatlarning oldini olish hamda aholi bilan ishlash borasida amalga oshirilayotgan ishlar bilan tanishdi.

Shuningdek, o‘rganishlar davomida hududda yashovchi 17 nafar (tadbir boshidan 157 nafar) alohida toifadagi shaxslar bilan uchrashib, ularning mavjud muammolari hamda turmush tarzi o‘rganildi.

Shahar-tuman IIB Jamoat xavfsizligi xizmati boshliqlari tomonidan, mahalla fuqarolar yig‘inlari faollari bilan uchrashib, hududda jinoyatlarning oldini olish hamda aholi bilan ishlash borasida amalga oshirilayotgan ishlar bilan tanishdi.

Shuningdek viloyat hududida krimenogen vaziyati og‘ir bo‘lgan mahallalarda jinoyat sodir etishga moyil bo‘lgan yoki jinoyatdan jabrlanish ehtimoli yuqori bo‘lgan toifadagi shaxslar o‘rganildi. Mintaqalarda tashkil etilgan mastlik holatida bo‘lgan shaxslarga tibbiy yordam ko‘rsatish tumanlararo punktlariga jami 39 nafar (t.b. 557 nafar) shaxslar joylashtirildi. Oila-turmush doirasida huquqbuzarlik sodir etgan oilalar bilan profilaktik ishlar olib borildi.

Oilalar bilan olib borilgan profilaktik suhbatlar natijasida nizoli oilalar yarashtirildi va yana ularga himoya orderlari ham berildi.

Yo‘llarda harakat xavfsizligini ta’minlash bo‘yicha ham targ‘ibot tadbirlari uyushqoqlik bilan olib borilmoqda.

Jinoyat va huquqbuzarliklarni barvaqt oldini olish bo‘yicha kompleks chora-tadbirlar davom ettirilmoqda.