"Dolzarb 40 kunlik" maxsus tezkor-profilaktik tadbirlari doirasida, Surxondaryo viloyat IIB boshlig‘i voha hududlarini o‘rgandi
"Dolzarb
40 kunlik" maxsus tezkor-profilaktik tadbirlari doirasida viloyat IIB boshlig‘i
polkovnik Abduvohid Ismoilov boshchiligida Oltinsoy tuman hududida “Xavfsiz tun”
tadbiriga jalb qilingan huquq-tartibot organlari xodimlari ishtirokida kengaytirilgan
tungi tezkor yo‘riqnoma o‘tkazildi.
O‘tkazilgan
yo‘riqnomada, tuman hokimi, sektor rahbarlari, jamoatchilik vakillari hamkor tashkilotlar
ishtirok etdi.
Yo‘riqnoma
davomida xizmatga jalb qilingan xodimlarga jinoyat va huquqbuzarliklarni barvaqt
oldini olish, tungi vaqtlarda jamoat joyi va turli ko‘ngilochar maskanlarda maqsadsiz
yurgan shaxslarni aniqlab, profilaktik tushuntirish ishlarini olib borish borasida
ko‘rsatmalar berildi.
Oltinsoy
tumani hududida kriminogen vaziyatni barqarorlashtirish, jinoyatchilikni oldini
olish, jamoat tartibi hamda yo‘l harakati xavfsizligini ta’minlash maqsadida keng
qamrovli profilaktik tadbirlar o‘tkazishga kirishildi.
Shundan
so‘ng, boshqarma boshlig‘i qizil toifaga kiritilgan mahalla yettilik vakillari bilan
suhbatlashib, hududning kriminogen vaziyatini yaxshilash borasida tegishli taklif
va ko‘rsatmalar berildi.
Tungi
keng qamrovli profilaktik tadbirlar davomida, tuman IIB Probatsiya nazorati ostida
turganlar, muqaddam sudlanganlar hamda jinoyat sodir etishga moyil bo‘lgan shaxslar,
tungi vaqtda jinoyatlar qayd etilishi mumkin bo‘lgan hududlar o‘rganildi.
"Dolzarb 40 kunlik" maxsus tezkor-profilaktik
tadbirlari doirasidagi o‘rganishlar davom etmoqda.
