“Dog biatloni bellashuvi” musobaqasining Respublika bosqichi o‘tkazildi.
Joriy yilning
1-4 may kunlari Toshkent viloyati Chirchiq
shahridagi Mudofaa vazirligining “Mutaxassis va xizmat itlarini tayyorlash markazi”da
vazirlik va idoralar, shu jumladan Mudofaa va Ichki ishlar vazirligi, Davlat xavfsizlik
xizmati, Milliy gvardiya va Bojxona qo‘mitasining jami 9 ta jamoalari o‘rtasida
idoralararo “Dog biatloni bellashuvi” musobaqasi o‘tkazildi.
Musobaqada 3 nafardan kinolog xodimlar o‘zlariga biriktirilgan xizmat itlari bilan
“3200 metr masofaga yakka tartibda
yugurish”, “300 metr masofaga to‘siqlarni yengib o‘tish” va “1600 metr masofaga
estafeta yugurish” mashqlari bo‘yicha 3 ta yo‘nalishda bellashishdi.
O‘tkazilgan musobaqaning har bir shartlari O‘zbekiston Respublikasi Mudofaa vazirligi va hakamlar hay’ati tomonidan
adolatli baholandi.
Shaxsiy birinchilikda Ichki ishlar vazirligi jamoasi a’zosi
Surxondaryo viloyati IIB Jamoat xavfsizligi xizmati Jamoat tartibini saqlash boshqarmasi
Kinologiya bo‘linmasi kinologi safdor Bexruz Eshqobilov faxrli o‘rinni egalladi.
Sovrinli o‘rinlarni egallagan jamoa va kinolog xodimlarga
Mudofaa vazirligining kubok va medallari tantanali ravishda topshirildi.
