Denov tumanida "Turmush" profilaktik tadbiri doirasida, hududlarda nizoli oilalarning mummolarini o‘rganish va bartaraf etishga qaratilgan profilaktik tadbirlar amalga oshirilmoqda.
Xususan, oilaviy ajrimlar, o‘z joniga qasd qilish holatlari, erta turmush
va erta tug‘ruqni oldini olish, tazyiq va zo‘ravonlikdan jabrlanish ehtimoli bo‘lgan
xotin-qizlarni aniqlash chora-tadbirlarini tizimli tashkil etish maqsadida, Denov
tumani Oila va xotin-qizlar bo‘limi boshlig‘i N.Lutfullaeva, tuman IIB Jamoat xavfsizligi
xizmati Huquqbuzarliklar profilaktikasi bo‘limi Xotin-qizlar masalalari bo‘yicha
katta inspektori kapitan G. Elmurodova tuman
Tibbiyot bo‘limi bosh hamshirasi Z.Allamurodova, katta hamshiralar, potranaj hamshiralar,
doya hamshiralar ishtirokida tuman Tibbiyot birlashmasida davra suhbati o‘tkazildi.
Davra suhbati davomida, yuqoridagi qayd etilgan masalalar yuzasidan amalga
oshirilayotgan ishlar tahlil qilinib, tibbiy brigadalar faoliyatiga ham to‘xtalib,
ular tomonidan xonadonlarda sog‘lom turmush tarzini shakllantirishda "mahalla
yettiligi" bilan hamkorlikda ishlashni kuchaytirish va tezkor chora-tadbirlarni
amalga oshirishi belgilab olindi.
