Denov tumani hokimligida o‘tkazilgan yig‘ilishda, viloyat hokimining o‘rinbosari, Oila va xotin-qizlar boshqarmasi boshlig‘i Z.Xidirova hamda viloyat IIB Jamoat xavfsizligi xizmati Huquqbuzarliklar profilaktikasi boshqarmasi boshlig‘ining Xotin-qizlar masalalari bo‘yicha o‘rinbosari O‘.Eshimova, tuman Tibbiyot birlashmasi onalik va bolalikni muhofaza qilish bo‘yicha o‘rinbosari M.Tudaeva, tuman hokimining o‘rinbosari, Oila va xotin-qizlar bo‘limi boshlig‘i N.Lutfullaeva hamda mahalladagi xotin-qizlar faollari patronaj hamshiralari ishtirok etdi.

Unda, oiladagi tibbiy madaniyatni rivojlantirish ona va bola salomatligini ta’minlash yo‘lida bajarilishi lozim bo‘lgan vazifalar, shuningdek, xotin-qizlar o‘rtasida turli xildagi onkologik kasalliklarni barvaqt aniqlash, onalar o‘limi, bolalar o‘limi holatlarini keskin kamaytirish, tug‘ruqlar o‘rtasidagi intervallarga amal qilish hamda nogiron farzandlar tug‘ilishini oldini olishga qaratilgan profilaktik tadbirlarni amalga oshirishda yo‘l qo‘yilgan kamchiliklarni bartaraf etish to‘g‘risida fikrlar almashildi.

Shuningdek, hozirda tuman hududida “xavfsiz hudud va mulkiy jinoyatlarni oldini olish” dolzarb oyligi o‘tkazilayotganligi munosabati bilan barcha ushbu oylikda faol ishtirok etishlari bilan birga ushbu yo‘nalishda mahalla hududlarida targ‘ibot va tashviqot ishlarini olib borishlari uqtirildi.  

Tadbir davomida mahalla-kuyda faol ishtirok etib, mahalladoshlariga namuna bo‘lib kelayotgan keksa onaxonlarga viloyat hokimining o‘rinbosari, Oila va xotin-qizlar boshqarmasi boshlig‘i Z.Xidirova tomonidan "Tashakkurnoma"lar topshirildi.