Respublikamizning barcha mahallalarini jinoyatdan holi hududga aylantirish maqsadida joriy yilning 5 iyul kunidan 5 avgust kuniga qadar keng qamrovli  "Turmush" profilaktik tadbiri hamda Surxondaryo viloyat IIB Jamoat xavfsizligi xizmati Huquqbuzarliklar profilaktikasi boshqarmasi tashabbusi bilan “Surxondaryo tajribasi” sifatida viloyatning barcha mahallalarini jinoyatdan holi hududga aylantirish ko‘zda tutilgan, shu maqsadida, Surxondaryo viloyati hokimligi hamda viloyat Ichki ishlar boshqarmasi tomonidan joriy yilning 6 iyul kuni “Mahalla hududida, xotin-qizlar  hamda oila-turmush doirasidagi jinoyatlarni oldini olish yuzasidan chora-tadbirlar to‘g‘risida”gi qo‘shma qaror imzolandi.

Ushbu qo‘shma qarorga asosan viloyat hududida 10 iyul kunidan 10 avgust kuniga qadar viloyat miqiyosida keng qamrovli “Nizolashayotgan oilalarning muammolarini bartaraf etish" keng qamrovli profilaktik tadbiri asosida, joylarda nizolashayotgan oilalar bilan ularning muammolarini bartaraf etish yuzasidan sayyor qabullar tashkil etilishi rejalashtirilgan.

Shu asosda navbatdagi “Sayyor qabul” Denov tumani hokimligida tashkil etildi. Mazkur “Sayyor qabul”da Denov tumani hokimi Ilhom Abrorov hamda tuman Ichki ishlar boshqarmasi boshlig‘i G‘ayrat Xo‘jamqulov, tuman prokuraturasi mas’ullari hamda boshqa mutasaddi idora va tashkilot rahbarlari ishtirok etishdi.

“Sayyor qabul”da “Bog‘i Eram”, “Istiqbol”, “Buyuk kelajak”, “Yoshlik”, “So‘fi Olloyor” mahallalarida istiqomat qiluvchi 7 ta nizoli oilalarning muammolari o‘rganilib, aniqlangan muammolarning 4 tasi qabul davomida ijobiy hal etish choralari ko‘rildi. Ayrim ajrim yoqasiga kelib qolgan oilalarning janjaliga barham berilib yarashtirilgan bo‘lsa, ba’zilariga yarashish uchun qo‘shimcha muhlatlar berildi.