Denov tumanida erta turmush va erta tug‘ruq holatlarining oldini olish masalasida ochiq muloqot o‘tkazildi
Denov tumanida Ichki ishlar vazirligi Jamoat xavfsizligi departamenti huquqbuzarliklar profilaktikasi xizmati bo‘limi boshlig‘i, polkovnik Dilorom Xudoyberganova hamda Surxondaryo viloyati IIB Jamoat xavfsizligi xizmati Huquqbuzarliklar profilaktikasi boshqarmasi boshlig‘ining o‘rinbosari O‘raltosh Eshimova ishtirokida ochiq muloqot bo‘lib o‘tdi.
Uchrashuvda, erta turmushga chiqish va erta tug‘ruq holatlarining
oldini olish masalasi atroflicha muhokama qilindi. Mazkur tadbirda mahalla xotin-qizlar
faollari, shuningdek, nuroniy onaxonlar faol ishtirok etdilar.
Muloqot jarayonida erta turmush va erta tug‘ruqning yoshlar
salomatligi, oila barqarorligi hamda jamiyat taraqqiyotiga salbiy ta’sirlari haqida
batafsil ma’lumotlar berildi. Shuningdek, qonunchilikda belgilangan talab va me’yorlar,
xotin-qizlarni qo‘llab-quvvatlash va oilani mustahkamlashga qaratilgan chora-tadbirlar
keng yoritildi.
