Denov tumanida “Obod va xavfsiz mahalla” profilaktik tadbiri olib borilmoqda
Surxondaryo viloyati
IIB boshlig‘ining birinchi o‘rinbosari boshchiligida Denov tumanida jinoyatni jilovlash
va kriminogen vaziyatni barqarorlashtirish maqsadida ishchi guruh shakllantirilib,
ayni kunlarda tuman prokuraturasi, IIB, Milliy gvardiya hamda FVV bo‘limi
mas’ul xodimlari, profilaktika inspektorlari, PPX hamda boshqa sohaviy xizmatlardan
tarkib topgan xodimlar tomonidan hududda kuchaytirilgan tartibda tungi va kunduzgi
profilaktik tadbirlar olib borilmoqda.
O‘tkazilgan xizmat
oldi yo‘riqnomada “Obod va xavfsiz mahalla” tamoyili asosida mahallalarda xavfsiz
muhitni yaratish uchun xizmatni kuchaytirilgan tartibda tashkillashtirish yuzasidan
aniq ko‘rsatma va topshiriqlar berildi. Jamiyatda jinoyatlarning oqibatlari
bilan kurashish emas, balki ularning sodir etilishiga yo‘l qo‘ymaslik va barvaqt
oldini olish muhimdir. Buning uchun mahallalarda faoliyati yo‘lga qo‘yilgan yettilik
hamda keng jamoatchilikning ham ishtiroki zarur sanaladi. Shu bois har kunlik tungi
profilaktik tadbirlar avvalida mahallalardagi yettilik vakillarining
hamkorlikdagi vazifalari uqtirilib, “ijtimoiy
profilaktika" tizimi asosida mahalladagi muammolarni “mahallabay”, “sohabay”
va “oilabay”, hatto “fuqarobay” aniqlab choralar belgilash lozimligi aytilmoqda.
38 ta yo‘nalish bo‘yicha tuzilgan ishchi guruh 17 ta hududda profilaktik tadbirlarni
amalga oshirishmoqda.
Profilaktika inspektorlari
tomonidan “Qalkon” jamoasi bilan birgalikda ijarada yashovchi talabalarning sharoitlari
o‘rganilib, xonadon egalari bilan profilaktik suhbatlar ham olib
borilayotir. Mas’ullar shuningdek, nazorat ostidagi shaxslarning sud tomonidan belgilangan
ta’qiq va cheklovlarga amal qilishini ham nazoratga olib, “tig‘” tadbiri ham o‘tkazildi.
Denov tumanida “Profilaktik
tadbir”lar davom etmoqda.