2024 yilning 17 may kuni Surxondaryo viloyati IIB Shimoliy mintaqaviy hudud mintaqaviy muvofiqlashtirish markazi Jamoat xavfsizligi guruhi tashabbusi bilan Denov tumani Pedagogika  va Tadbirkorlik instituti talabalari bilan “Yoshlar orasida giyohvand va psixatrop moddalarni tarqalishini oldini olish, kiberjinoyatchilikka qarshi kurashish va institut talabalari orasida sodir etilgan o‘g‘irlik jinoyati muhokamasi”ga bag‘ishlangan yig‘ilish o‘tkazildi.

Yig‘ilishda Boshqarma Shimoliy mintaqaviy hudud mintaqaviy muvofiqlashtirish markazi Jamoat xavfizligi guruhi bosh inspektori podpolkovnik A.Yakubov, Denov tuman Ichki ishlar boshqarmasi  Tezkor qidiruv xizmati  Jinoyat qidiruv bo‘limi xodimlari,  institut profilaktika inspektori mayor O.Toshtemirovlar va institut rahbariyati va talabalar ishtirok etishdi.

Yig‘ilish davomida, ma’ruzachilar  Yoshlar orasida giyohvand va psixatrop moddalarni tarqalishini oldini olish borasidagi keng ko‘lamli chora-tadbirlar olib borilishiga qaramasdan yoshlar ushbu jirkanch illat qurboniga turli yo‘llar bilan kirib qolayotganligi oqibatida jabrlanib qolayotganligi haqida so‘z yuritildi. Shuningdek hozirgi kunda ijtimoiy tarmoqlar orqali kiber o‘g‘rilik va firibgarlik jinoyatlarining turli yolg‘on xabarlariga chuv tushib qolmaslik yuzasidan tavsiyalar berildi.

Shu bilan birga ta’lim dargohida sodir etilgan o‘g‘rilik jinoyatning kelib chiqish sabab va shart-sharoitlari haqida batafsil ma’lumotlar berilib, kelgusida bu kabi jinoyat qurboniga aylinib qolishning oldini olish maqsadiga qaratilgan profilaktik tushuntirishlar olib borildi.

Mavzu yuzasidan talaba yoshlar o‘zlarini qiziqtirgan savollariga mutaxassislar tomonidan tegishli javoblar olishdi.