Kuni kecha Surxondaryo viloyati IIB boshlig‘i o‘rinbosari, Ma’naviy-ma’rifiy ishlar va kadrlar bilan ta’minlash xizmati boshlig‘i podpolkovnik Sherzod Shadiev hamda IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i podpolkovnik Qudrat Samandarov ishtirokida yig‘ilish o‘tkazildi.

Mazkur yig‘ilishda Surxondaryo viloyati Ichki ishlar organlarida 2024 yilning 20 noyabr kunidan 30 dekabr kuniga qadar xizmat intizomi va qonuniylikni mustahkamlashga qaratilgan “Dolzarb qirq kunlik” profilaktik tadbirlari davomida mavjud kuch vositalardan oqilona foydalangan holda ichki ishlar organlarida “temir intizom”ni yo‘lga qo‘yish va qonuniylikni ta’minlash borasidagi natijalarni yaxshilash, ichki ishlar organlarida korrupsiyaga qarshi kurashish va korrupsiyaviy holatlarni barvaqt oldini olish tizimi samaradorligini oshirish, ushbu jarayonga jamoatchilikni keng jalb etish hamda korrupsiyaga nisbatan murosasiz munosabatda bo‘lish muhitini shakllantirish, shaxsiy tarkibni kunlik xizmatga kelib ketishi, avtoreyd o‘tkazish, yashash sharoitlarini o‘rganib ijtimoiy himoyaga muxtoj xodimlarni aniqlash borasida qator ishlar amalga oshirilayotganligi yuzasidan viloyat Ichki ishlar boshqarmasi boshlig‘i o‘rinbosari tomonidan ma’ruza qilindi.

Shundan so‘ng yig‘ilishda xodimlarning kasbiga bo‘lgan sadoqatini, mas’uliyatini oshirish ham kelgusida xodimlar bilan bog‘liq sodir etilishi mumkin bo‘lgan salbiy holatlarni oldini olish maqsadida, joriy yilning ikkinchi yarmida viloyat IIB xodimlari ishtirokida sodir etilgan holatlar aks etgan “Hiyonat va halollik” nomli video rolik namoyish etilib, kelgusida xodimlar tomonidan sodir etilishi mumkin bo‘lgan qonunbuzilishlarni oldini olishga barcha birdek mas’ul ekanligi ta’kidlandi.

Bundan tashqari, Ichki ishlar boshqarmasi Tezkor qidiruv xizmati Terrorizmga qarshi kurashish boshqarmasi mas’ul xodimi tomonidan joriy yilning 29 noyabr kuni qabul qilingan O‘RQ-1008-son qonunining mazmun mohiyati hamda ush qonun bilan 2016 yil 16 sentyabdagi “Ichki ishlar organlari to‘g‘risida”gi qonuniga kiritilgan o‘zgartirish va qo‘shimchalar haqida ma’lumotlar berildi.

Shuningdek, yig‘ilish so‘ngida xizmat faoliyati davomida yuqori natijalarga erishib, xizmat faoliti davomida namuna ko‘rsatib kelayotgan xodimlarning ota-onalariga viloyat IIB boshlig‘ining tashakkurnomasi hamda esdalik sovg‘alari topshirildi.

Yig‘ilish so‘ngida mukofotlangan xodimlarning ota-onalari tomonidan mazkur uchrashuvni tashkil etishda jonbozlik ko‘rsatgan viloyat Ichki ishlar boshqarmasi rahbariyatiga tashakkur bildirildi.