O‘tkazilgan yig‘ilishda, viloyat IIB boshlig‘i o‘rinbosari, Ma’naviy ma’rifiy ishlar va kadrlar bilan ta’minlash xizmati boshlig‘i podpolkovnik Sherzod Shodiev, IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i podpolkovnik Qudrat Samandarov, Denov tumani Ichki ishlar boshqarmasi binosida Denov tuman Ichki ishlar boshqarmasi boshlig‘i podpolkovnik Shavkat Narmuratov hamda Denov tumani ichki ishlar boshqarmasi shaxsiy tarkibi ishtirok etdi.

Yig‘ilish avvalida, viloyat ichki ishlar boshqarmasi boshlig‘i o‘rinbosari podpolkovnik Sherzod Shodiev so‘zga chiqib, bugungi kunda ichki ishlar organlari xodimlarining harbiy-vatanparvarlik tuyg‘usini, ma’naviy saviyasini va intellektual salohiyatini yuksaltirishni ta’minlash, ularda mamlakatimizning qadimiy va boy madaniyati, azaliy qadriyatlari, udumlari va an’analariga asoslangan keng dunyoqarashini yanada shakllantirish yuzasidan bir qator manzilli ishlar amalga oshirilib kelinayotganligiga qaramasdan, ba’zi bir xodimlar ushbu yaratilayotgan shart sharoitlardan unumli foydalanmasdan hozirgi kunda xizmat intizomi va qonunchilikka tortilib ketayotganligini qayd etdi.

Tanqidiy ruhda o‘tkazilgan yig‘ilish davomida, IIV Shaxsiy xavfsizlik bosh boshqarmasi Surxondaryo viloyati boshqarmasi boshlig‘i podpolkovnik Qudrat Samandarov so‘zga chiqib, ichki ishlar organlarida ma’naviy-ma’rifiy ishlarni tashkil etish, shaxsiy tarkib o‘rtasida xizmat intizomi va qonuniylikni mustahkamlash, kelgusida xodimlar tomonidan sodir etilishi mumkin bo‘lgan qonunbuzilish holatlari haqida so‘z yuritib,  har bir xodim o‘ziga tegishlicha xulosa chiqarib olishlari to‘g‘risida o‘z fikr mulohazalarini yig‘ilish ishtirokchilariga bildirib o‘tdi.