Uchrashuvda, O‘zbekiston Respublikasi ichki ishlar vazirining hamda viloyati IIB boshlig‘ining tegishli buyruqlari talablariga asosan,  Akademiyaning kunduzgi ta’lim shaklida tahsil olayotgan 1-kurs kursantlari o‘quv-tanishuv amaliyoti bo‘yicha yakuniy sinov imtihonlarini topshirishdi.

Shundan so‘ng, Surxondaryo viloyati IIB boshlig‘i o‘rinbosari podpolkovnik Sh.Shadiev, IIV Akademiyasi Jinoyat-protsessual huquq kafedrasi dotsenti podpolkovnik L.Z.Turdiev hamda viloyati IIB sohaviy xizmat rahbarlari va xodimlari ishtirok etgan ushbu uchrashuvda, Ichki ishlar Akademiyasi  44-nafar kursantining o‘quv-tanishuv amaliyoti davomidagi, o‘z vazifasini to‘la ado etganliklari, yuklatilgan vazifalarni vaqtida bajarganliklari, sohaviy xizmati bo‘yicha bo‘lib o‘tgan tadbirlardagi faolliklari atroflicha muhokama qilindi.

  Uchrashuv so‘ngida, viloyat IIO o‘tkazgan o‘quv-amaliyoti davomida, Ichki ishlar Akademiyasi tomonidan berilgan vazifalarni namunali darajada bajargan, o‘zini ijobiy tomondan namoyon etib, belgilangan kun tartibi va biriktirilgan ustoz-murabbiylarning ishonchiga sazovor bo‘lib, amaliyot rahbari tomonidan o‘ziga yuklatilgan xizmat vazifalarini o‘z vaqtida hamda vijdonan bajarib, namunali hulq-atvori bilan tengdoshlariga namuna bo‘lgan bir qator kursantlar viloyat Ichki ishlar boshqarmasi boshlig‘ining tashakkurnomasi bilan taqdirlandi.