Surxondaryo viloyat IIB boshlig‘i o‘rinbosari podpolkovnik Sh.Shadiev bilimlar kuni munosabati bilan Angor tumanida joylashgan “Nurli maskan” ixtisoslashtirilgan maktab-internatida bo‘ldi. Mustaqillik darsi avvalida tarbiyalanuvchilar va ularning ota-onalari pedagog tarbiyachilar va IIO xodimlari ishtirokida tantanali tadbir tashkil etildi.

Unda so‘z olganlar Prezidentimizning 2022 yil 8 apreldagi “Ko‘zi ojiz va zaif ko‘ruvchi bolalar uchun ixtisoslashtirilgan maktab-internatlarda ta’lim berish sifatini oshirish hamda ular faoliyatini yanada takomillashtirish chora-tadbirlari to‘g‘risida”gi  qarori ijrosi doirasida  ko‘zi ojiz va ko‘rishda nuqsoni bo‘lgan bolalarning jamiyatdagi o‘rnini mustahkamlash, ularning sifatli ta’lim olishi uchun yaratilgan shart-sharoitlarni yanada yaxshilash,  jamiyatga moslashuviga ko‘maklashishdek hayrli ishlarga yeng shimarildi. Misol uchun 2022 yilda Angor tumanida umumiy qiymati 13 mlrd. 800 mln. so‘m bo‘lgan 180 o‘ringa mo‘ljallangan “Nurli maskan” maktab-internati qurilib, foydalanishga topshirildi.

Mahalliy budjet mablag‘lari hisobidan umumiy qiymati 1 mlrd. 233 mln. so‘mdan ortiq  mablag‘ evaziga Brayl alifbosidagi relef-nuqtali Brayl printeri va boshqa zarur uskunalar bilan ta’minlandi.

Shuningdek, maskan o‘quvchilarining xavfsizligini ta’minlash maqsadida maktablar hududida 101 dona zamonaviy video kuzatuv kameralari, o‘rnatilib, viloyat Ichki ishlar boshqarmasining “Situatsion markazi”ga integratsiya qilindi. Bundan tashqari o‘quvchilarning sifatli ta’lim olishlari uchun umumiy qiymati 1 mlrd. 150 mln. so‘mdan ortiq bo‘lgan zamonaviy texnika va o‘quv qurollari, sport anjomlari, musiqa asboblari va to‘liq jixozlangan yo‘l harakati xavfsizligi qoidalarini o‘rgatuvchi o‘quv maydonchasi bilan ta’minlandi. Bayram munosabati bilan maktabning faollar zaliga o‘quvchilar foydalanishlari uchun 100 dona stullar topshirildi.

Tadbir asnsosida jamoaning erishgan yutuqlari ham e’tirof etilib tarbiyalanuvchi va pedagoglarga extirom ko‘rsatildi. Ularga sovg‘a salomlar ulashildi.

Aytish kerakki ko‘rsatilayotgan g‘amxo‘rlik va e’tiborga javoban yoshlar ham munosib natijalarni qayt etishmoqda. Masalan 2023-2024 o‘quv yilida mazkur muassasani tamomlagan 18 nafar o‘quvchining 15 nafari oliy ta’lim muassasala-rining talabasi degan yuksak unvonga sazovor bo‘ldi.