So‘ngi yillarda xalqimizning salomatligi to‘g‘risida g‘amxo‘rlik qilish, ma’naviy va jismoniy barkamol avlodni shakllantirish, intellektual salohiyatini va fikrlash doirasini rivojlantirishga xizmat qiladigan sport turlaridan biri, mamlakatimizda alohida o‘rin tutadigan sportning shaxmat va shashka turiga aholini ayniqsa yoshlarni keng jalb etish maqsadida bir qator chora tadbirlar amalga oshirilmoqda.

O‘zbekiston Respublikasi Prezidentining 2021 yil 14 yanvar kunidagi  “Shaxmatni yanada rivojlanitirish va ommaviylashtirishga hamda shaxmatchilarni tayyorlash tizimini takomillashtirish chora-tadbirlari to‘g‘risida”gi Qarori hamda Ichki ishlar vazirining 2024 yil 04 aprel va viloyat ichki ishlar boshqarmasi boshlig‘ig‘ining joriy yil 25 aprel kunidagi ichki ishlar organlarining yosh xodimlari va xarbiy xizmatchilari o‘rtasida sog‘lom raqobat muhitini kuchaytirish orqali yosh istiqbolli yosh kadrlarni aniqlash hamda yosh xodimlarning bo‘sh vaqtini mazmunli tashkil etish, iqtidor va qobiliyatlarini yanada qo‘llab-quvvatlashga qaratilgan “Besh tashabbus olimpiadasi”ning 2024 yilgi mavsumi alohida kalendar-reja asosida tashkil etilishi va o‘tkazilishi yuzasidan tasdiqlangan tegishli farmoyishiga asosan, viloyat ichki ishlar organlarida xizmat qilayotgan yosh xodim va xodimalar o‘rtasida “Shaxmat va shashka” sport musobaqasi tashkil etildi.

Ushbu musobaqada boshqarmaning sohaviy xizmatlari va barcha shahar-tuman IIBlari yosh xodimlaridan tashkil topgan jamoalar ishtirok etishdi.

Yakunda musobaqa g‘olib va sovrindorlarga boshqarma boshlig‘ining diplom hamda qimmatbaho esdalik sovg‘alari bilan taqdirlandi.

Albatta bu kabi tadbirlarni muntazam ravishda o‘tkazib borish, tizimda xizmat qilayotgan yosh xodimlarni aqliy bilim salohiyatlarini yanada o‘stirish barobarida, mustaqil va har tomonlama to‘g‘ri mantiqiy fiklashni o‘rgatiishda muhim ahamiyat kasb etadi.