23 Aprel 2024 yil
540
Bandixon tumani IIBda korrupsiyaga qarshi murosasiz munosabatda bo‘lish maqsadiga qaratilgan seminar tashkil etildi.
O‘zbekiston Respublikasi Ichki ishlar vazirining 2022 yil 3
mart kunidagi “Ichki
ishlar organlarida korrupsiyaga qarshi murosasiz munosabatda bo‘lish muhitini yaratish hamda korrupsiyaviy omillarni oldini olish chora-tadbirlari to‘g‘risida"gi tegishli buyrug‘i
hamda 2024 yil 15
apreldagi farmoyishi ijrosini ta’minlash maqsadida, 2024 yil aprel oyining uchinchi o‘n
kunligi Surxondaryo viloyati ichki ishlar organlarida “Korrupsiyaga qarshi kurashish dolzarb 10 kunligi” deb e’lon qilingan.
Shu munosabat bilan Bandixon tumani Ichki ishlar bo‘limida
seminar tashkil etildi.
Seminarda korrupsiyaga qarshi kurashishda
rahbar xodimlarning mas’uliyati va javobgarligini yanada oshirish, korrupsiyaga oid huquqbuzarliklarni
o‘z vaqtida aniqlash, ularga chek qo‘yish bo‘yicha tuman Prokuraturasi
va tuman IIB mas’ul xodimlari tomonidan Bandixon tuman
IIBning barcha shaxsiy tarkibi o‘rtasida “Korrupsiyaga qarshi kurashish
va korrupsiyaviy omillarni keskin kamaytirish” mavzusida tushuntirish
ishlari olib borildi.
