Bayram munosabati bilan o‘ksik qalblarga shodlik va quvonch ulashildi
Joriy yilning 1 iyun- “Xalqaro bolalarni himoya qilish kuni” munosabati bilan Surxondaryo viloyati IIB Jamoat xavfsizligi xizmati Huquqbuzarliklar profilaktikasi boshqarmasi Voyaga yetmaganlarga ijtimoiy huquqiy yordam ko‘rsatish Markazida saqlanayotgan voyaga yetmagan yoshlarni markaz xodimlari tomonidan ularga ko‘tarinki kayfiyat ulashish hamda madaniy xordiq chiqarish maqsadida, Termiz shahridagi “Qo‘g‘irchoq” teatriga bayram dasturiga olib borishib, ularning quvonchiga sherik bo‘lishdi.
Bundan tashqari, O‘zbekiston Respublikasi Davlat xavfsizlik xizmati Chegara qo‘shinlari Yosh Chegarachilar harbiy akademik litseyi o‘quvchilari ustozlari bilan birgalikda Markazga kelishib bolalarga kelajakka bo‘lgan ishonch, hayotda o‘z o‘rnini topishi, o‘z kasbini sevishi, qiyinchiliklarni bardosh bilan yengib, doim to‘g‘ri yo‘lni tanlash kabi o‘z maslahatlarini berishib, bayram munosabati bilan badiiy kitoblar sovg‘a qilishdi.
