27 Yanvar 2022 yil
665
Avtomobillar to'qnashuvi oqibatida haydovchi vafot etdi
Qiziriq tumanning "Kunchiqish" mahallasi hududidan o'tuvchi 4R-100 avtomobil yo'lining 103 km. da avtotransport hodisasi yuz berdi. Jarqo'rg'on tumani "Nurlidiyor" mahallasida yashovchi Shokir Salomov (ism-sharifi o'zgartirilgan) boshqaruvidagi Kamaz rusumli avtoulovi bilan Jarqo'rg'on-Qiziriq yo'nalishi bo'yicha ketayotib, qarama-qarshi tomonidan harakatlanib kelayotgan VAZ-2106 rusumli avtoulovi bilan to'qnashadi.
Natijada VAZ-2106 rusumli avtoulovi haydovchisi A.Qodirov tan jarohati olib, kasalxonaga tushadi. Biroq oradan bir necha kun o'tib, fuqaro kasalxonada vafot etdi. Holat yuzasidan Jinoyat kodeksining 266-moddasi 2-qismi bilan jinoyat ishi qo'zg'atildi.
Surxondaryo viloyati IIB axborot xizmati
