Tahlillarga ko‘ra, dunyo bo‘ylab har yili 500 milliondan ortiq kiber hujumlar uyushtiriladi. Har soniyada 12 nafar insondan biri kiber makonda sodir etilgan hujumlar qurboniga aylanadi. Amerika qo‘shma shtatlari, Fransiya, Angliya, Germaniya, Belgiya, Luksemburg kabi rivojlangan davlatlarda jinoyatlarning 60-65 foizi kiberhujumlar orqali sodir etilmoqda.

O‘zbekiston Respublikasida ham so‘nggi uch yilda bu turdagi jinoyatlar
8 barobarga ko‘payib, hozirda umumiy jinoyatchilikning qariyb 5 foiziga yetgan.

Xususan, noqonuniy bank-moliya operatsiyalari orqali o‘zgalarning plastik kartasidagi mablag‘larini o‘zlashtirish, qimor va tavakkalchilikka asoslangan onlayn o‘yinlar, diniy aqidaparastlikka qaratilgan axborot hurujlari, onlayn savdo maydonidagi firibgarlik jinoyatlari ko‘payib bormoqda.

Mazkur achinarli holatlarga qarshi kurashish maqsadida, Angor tumani IIB Jamoat tartibini saqlash guruhi katta inspektori podpolkovnik Sh.Irnazarov hamda boshqa mas’ul xodimlar tomonidan Kiberjinoyatchilikni oldini olish yuzasidan tuman Soliq inspeksiyasi, tuman Tibbiyot birlashmasi, tuman markaziy kutubxonasi va tuman iqtisodiyot va moliya bo‘limi rahbariyati, ishchi va xizmatchilari bilan profilaktik targ‘ibot tadbirlari o‘tkazildi.

Targ‘ibot davomida, mazkur korxona, tashkilot va muassasalarda ishlab kelayotgan xizmatchilar tomonidan ham o‘zlari va yaqin qarindoshlari mazkur turdagi jinoyatchilik qurboniga aylanib, aldangani uchun o‘zlarining plastik kartalaridagi mablag‘laridan ajralib qolganliklari to‘g‘risida so‘zlab berishdi.

Shu kabi jinoyatchiliklarning oldini olish maqsadida tuman Huquqni muhofaza qiluvchi organlari mas’ul xodimlari tomonidan ishchi guruh tuzilib, domiy ravishda aholi guvjum joylarda, mahalla, korxona, tashkilot va muassasalarda profilaktik tushuntirish ishlarini uzluksiz olib borishmoqda.